اسلام آباد۔ 19 فروری (اے پی پی) چیئرمین سینیٹ سید یوسف رضاگیلانی بلوچستان نا علاقہ بارکھان اٹی مسافر بس آ دہشت گرد آتا جلہو نا ترند انگا لوز آتیٹی مذمت ءِ کرینے، ہراٹی ہفت نہادی جون زیان مسنو۔ چارشنبے نادے آ تینا کلہو اٹی چیئرمین سینٹ دااست ہسون واقعہ غا ڈکھیائی و است ہسونی نا درشانی ءِ کرسا پارے کہ کودک شاری تے شست کننگ لغوری ءُ کاریم اسے، دانااخس مذمت ءِ کننگے کم ءِ۔ اوپارے کہ دہشت گردی نا برخلاف مچ آ قوم یکجاءِ و داوڑنا ناپاک عزم ءِ بے سہب کننگ کن سیکورٹی فورس آتا قربانی ستاکڑزک۔ سید یوسف رضاگیلانی زوال کروک آبندغ آتا خاہوت آتون ہڑزخواہی کرسا دعاکرے کہ اللہ تعالیٰ ایماندار تے جنت اٹ جاگہ ایتے و ٹھپی تے زوت دراخ جوڑ کے۔
