اسلام آباد۔ 19 فروری (اے پی پی) بنجائی وزیر مواصلات ، نجکاری و زرکاری عبدالعلیم خان پارینے کہ روڈ سیفٹی ہیلتھ، اربن پلاننگ و چاگڑدی پالیسی تیا کاریم برجاءِ، گچین گام گیج آتیان شکست آتیٹی 50 درسد و مرک آتیٹی 30 درسد کمتی مسنے۔ داخیال آتا درشانی ءِبنجائی وزیر مواصلات عبدالعلیم خان مراکش اٹی برجاچارمیکو گلوبل منسٹریل کانفرنس آن تران اٹی کرے۔ اوپارے کہ پاکستان اٹی روڈ انفراسٹرکچر نا گچینی و پوسکن آ سفری آسراتی کن کوشست کننگ انگ ءِ، 24 کروڑ آبادی والا ملک پاکستان اٹی 40 درسد سڑک خستہ یامخدوش حالیت اٹی ءُ۔ بنجائی وزیر مواصلات پارے کہ پاکستان اٹی 4 لکھ 93ہزار کلو میٹر مریس روڈ نیٹ ورک ساڑی ءِ۔ عبدالعلیم خان پارے کہ شاہرات اٹی 14 ہزار 400 کلومیٹر نیشنل ہائی وے و 2500 کلومیٹر موٹرویز اوار ءِ۔ بنجائی وزیرپارے کہ پاکستان اٹی تدوک آ 5 سال اٹی قومی شاہرات آ ٹریفک اٹی 25 درسد ودکی مسنے۔ اوپارے کہ پاکستان اٹی روڈ سیفٹی ہیلتھ اتون گنڈوک، اربن پلاننگ وچاگڑدی پالیسی تیا کاریم کننگ ءِ۔ عبدالعلیم خان مستی پارے کہ گچین گام گیج آتیان شکست آتیٹی 50 درسد ومرک آتیٹی 30 درسد کمتی مسنے۔ وزیر مواصلات پارے کہ لاہور کراچی و اسلام آباد اٹی سگنل فری کوریڈور جوڑ کننگ اُن۔ بنجائی وزیر شاہرات آ ریسکیو سروسز و ایئر ایمبولینس نا فراوانی کن گام گیج آتا پیدواری ءِ کرسا پارے کہ ’’پاکستان بیلٹ اینڈ روڈ انیشی ایٹیو‘‘ و سی پیک گوادر بی آرآئی ڈٹ آتیکن سنبرینگوک ءِ۔ بنجائی وزیرپارے کہ پاکستان نارتھ ساؤتھ ٹرانسپورٹ کوریڈور، پاک مڈل ایسٹ پروجیکٹ آتیٹی است خواہی تخک۔ اوگلوبل منسٹریل کانفرنس نا اڈتننگ ءِ ستاکڑزوک گوندسا پارےکہ چندی ملک آک تین پہ تینی آزموندہ غاتیان فائدہ ہرفرہ۔ اوپارے کہ پاکستان جہانی کانود نا پابندی و کانفرنس نا اعلامیہ غا عملدرآمد ءِ پک کیک۔ بنجائی وزیر عبدالعلیم خان کانفرنس نا اڈتننگ آ مراکش نا حکومت و وزیر ٹرانسپورٹ عبدالصمد تون مراکش نا زیباغا شار اٹی کانفرنس نا بشخ ہلنگ نا سلہ و شاندار مہمانداری آ منت واری نا درشانی ءِ ہم کرے۔
