اسلام آباد۔ 19 فروری (اے پی پی) چیئرمین سینیٹ سید یوسف رضاگیلانی پاکستان پیپلزپارٹی نا سینئر راہشون و قومی اسمبلی نا باسک نواب یوسف تالپور نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی کلہو اٹی چیئرمین سینیٹ سید یوسف رضاگیلانی پارے کہ نواب یوسف تالپور اسہ باوقار سیاستدان و السی خذمت نا جوزہ غان سرشار ءُ شخصیت اس ئس۔ اونا سیاسی و راجی خذمت آتے مدام یات تخنگک۔ اونا کزیت نئے بیرہ پاکستان پیپلزپارٹی بلکن ملکی سیاست کن ہم اسہ بے بدل ءُ نسخان اسے۔ چیئرمین سینیٹ ایماندار نا خاہوت تون ہمدردی و ہڑزخواہی نا درشانیءِ کرسا دعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے و خاہوت ءِ دا صدمہ ءِ حوصلہ و صبر اٹ سگنگ نا توفیق عطاکے۔
