اسلام آباد۔18فروری (اے پی پی):مزن وزیر محمد شہباز شریف ءَ پاکستان ءُ امریکہ ءِ نیام ءَ دہائی آنی نزیکیں سیادی ءِ ذکر کنان ءَ پاکستان ءِ ٹرمپ انتظامیہ ءِ گوما دو نیمگی سیادی ءَ را گیش گیش کنگ ءِ واستہ کار کنگ ءِ واھشت ءِ پدا زور دات۔ ءُ فتنہ الخوارج (فاک) ءِ نام ءَ زانگ بیت۔ سئے شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ پاکستان ءِ واستہ امریکی سفیر نیٹلی بیکر ءَ گوں گند ءُ نند کتگ ءُ مزن وزیر ءَ ٹرمپ انتظامیہ ءِ گوما دو نیمگی سیادی ءَ را گیش دیمروئی دیگ ءِ پاکستان ءِ واھشت ءِ سر ءَ زور پر داتگ۔ مزن وزیر ءَ دوئیں ملک آنی نیام ءَ تجارت ءَ را گیش دیمروئی دیگ ءِ ضلورت ءِ سر ءَ زور پر دات، ایشی ءِ گوما آئی ٹی، کشت ءُ کشاری، جان سلامتی، وانگ ءُ زانگ، ءُ توانائی ءِ شوبگ آنی تہ ءَ یکوئی ءَ را گیش کنگ ءِ ضلورت ءِ سر ءَ زور پر دات، ایشی ءِ گوما وت مہ وتی دلچسپی ءِ ایندگر جیڈھ آنی سر ءَ زور پر دات۔ آئی ءَ اے گپ ءِ سر ءَ ھم زور پر دات کہ دوئیں ملک ناشرکاری ءِ ھلاپ ءَ ھاسیں رنگ ءَ داعش ءُ فتنہ الخوارج ءِ نیمگ ءَ چہ پیداکیں ھترہ ءِ گر ءُ دار ءِ تہ ءَ وتی نزیکیں کمک ءَ را برجاہ بہ دار اَنت۔ امریکی چارج ڈی افیئرز ءَ مزن وزیر ءِ شگر ءُ منت گپت ءُ گوشت کہ نوکیں انتظامیہ پاکستان ءِ گوما دو نیمگی سیادی ءَ را گیش مھکم کنگ ءُ یکجائی مول ءُ مراد آنی سرجم کنگ ءِ واستہ پاکستان ءِ گوما کار کنت۔