اسلام آباد۔ 18 فروری (اے پی پی) وزیراعظم نا کوآرڈی نیٹر جان جوڑی ڈاکٹر مختار احمد بھرتھ پارینے کہ مون انگا زڑدوئی و شوگرنا مون ءِ توننگ کن وزیراعظم نا پوسکن آپروگرام تیا ترندی اٹ عملدرآمد حکومت نا اولیت ءِ، بروک آ 10 سال اکن قومی جان جوڑی و آبادی نا پالیسی ءِ گڈیکو دروشم اس تننگ زوت آتے اٹ بناءِ کننگانے۔ داخیال آتا درشانی ءِ او یونیورسل ہیلتھ کوریج نا دود آن تران کرساکرے۔ وزیراعظم شہباز شریف نا کماشی ٹی یونیورسل ہیلتھ کوریج ءِ پک کننگ کن سنبرینگوک اُن۔ اوپارے کہ وزیراعظم شہباز شریف نا کماشی ٹی یونیورسل ہیلتھ کوریج ءِ پک کننگ کن سنبرینگوک اُن، یونیورسل ہیلتھ کوریج نا سروس کوریج انڈیکس اٹی بھلو گچینی اس بننگ آن پد ہم اصل چیلنج داسہ ہم مون آٹے۔ اوپارے کہ بدبختی اٹ پاکستان نا بیرہ نیمہ آبادی ءِ جان جوڑی نا المی خذمت اسکان رسینگ دوئی ءِ، ساڑی آ کچ اتون کم وود 13.4 ملین بندغ ہر سال نیزگاری ٹی ہِننگ نا خطرہ غاتا گواچی ءُ، پاکستان یوایچ سی نا دوئی کننگ کن جان جوڑی نا بشخ اٹی انقلابی اصلاحات نا بناءِ کرینے۔ اوپارےکہ پائیدار شونداری نا مون آ دننگ کن حکومتی پالیسی تیٹی پرائمری ہیلتھ کیئر و یونیورسل ہیلتھ کوریج نا فنانسنگ ایجنڈا اسُل جوان ءِ، پاکستان اٹ جان جوڑی نا منظرنامہ ءِ گچین کننگ کن دمدستی و پبی کوشست آتا گرج ءِ۔ ڈاکٹر مختار احمد بھرتھ پارے کہ وزیراعظم پاکستان ناپارت آ جان جوڑی نا بشخ اٹی آخبت نا گڑا س سٹریٹجک اولیت آتیٹی اوار ءُ، بروک آ 10 سال اکن قومی جان جوڑی و آبادی نا پالیسی ءِ گڈیکو دروشم اس تننگ زوت آتے اٹ بناءکننگانے۔ اوپارے کہ ہیلتھ سیکورٹی آ قومی ایکشن پلان (2024-28) نا نفاذ و آبادی نا بابت قومی ایکشن پلان آ نظرثانی و عملدرآمد اوار ءِ، مون انگا زڑدوئی و شوگر نا مون ءِ توننگ کن وزیراعظم نا پوسکن آ پروگرام تیا ترندی اٹ عملدرآمد حکومت نا اولیت ءِ، جناح میڈیکل اینڈ ریسرچ کمپلیکس نا تفنگ تون اوار پوسکن انگا ہسپتال آتا فراوانی اسہ پین اولیت اسے۔ اوپارے کہ یوایچ سی نا ہدف آتا دوئی کننگ کن کمکاری آ طبی چاہندار و شونداری شریدار آتا خاص وڑاٹ منت واری ءِ ہرفیوہ، جان جوڑی نا چیٹ انا بنداوی پنجراٹی زرکاری اولیت ننا ایجنڈاءِ۔ ڈاکٹر مختار احمد بھرتھ پارے کہ جان جوڑی نا المی خذمت اسکان بریبررسینگ ءِ پک کننگے، ناجوڑی تیان بچنگ و کنٹرول نا گام گیج آتے سوگو و پک کننگ اُن۔
