حکومت خڑچ آتیٹی کمتی کرسا السی راجی آسودہی ءِ اولیت تننگ ءِ، اہم زرگزرانی ٹک آک سہی کنڈآہِننگ ءُ، بنجائی وزیر خزانہ نا الشرق و بلومبرگ ءِ انٹرویو

اسلام آباد۔ 18 فروری (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ حکومت خڑچ آتیٹی کمتی کرسا السی راجی آسودہی ءِ اولیت تننگ ءِ، رائٹ سائزنگ آن حکومتی خڑچ آتیٹی پیدوار کمتی بریک، 3آن 5 سال اٹی برآمدآتے 30 ارب آن ودفسا 60 ارب ڈالر اسکان دننگ خوانہ۔ داہیتءِ او الشرق و بلومبرگ ءِ تروک آ انٹرویوٹی پارے۔ وزیرخزانہ پارےکہ ملکی برآمد آتیٹی ودکی کن جوان گام گیج کننگ انگ ءِ، بروک آ 3 سال آن 5 سال اٹی برآمدآتے 30 ارب آن ودفسا 60 ارب ڈالر اسکان دننگ خوانہ، ، اوپارے کہ تدوک آ 12آن 14 تُو اٹی زرگزران نا گچینی کن اہم پیش رفت مسنے، اہم زرگزرانی ٹک آک سہی کنڈآ ہِننگ ءُ۔ حکومت کبینی و شرح سود اٹی کمتی کن اہم فیصلہ کرے وخت اس کہ زرمبادلہ نا کوڑی تے سوگو کننگا۔ وزیرخزانہ پارے کہ نجکاری نا عمل ءِ پین ترند و سرکاری ادارہ غاتیٹی اصلاحات نا عمل ءِ برجاتخنہ، سرکاری ادارہ غاتا نسخان تے کم کننگ کن رائٹ سائزنگ کننگ اُن ہراڑآن حکومتی خڑچ آتیٹی پیدوار کمتی بریک۔ وزیرخزانہ پارے کہ وزیراعظم شہباز شریف پائیدار و سوگو اقتصادی شونداری خواہک، حکومت ڈبل ڈیجٹ نسخان آ کنٹرول کرے، کرنٹ اکاؤنٹ نسخان و مالیاتی نسخان سرپلس اٹی بسنے، حکومتی خڑچ آتیٹی کمتی کرسا السی راجی آسودہی ءِ اولیت تننگ اُن۔ محمد اورنگزیب پارے کہ واپار نا مون آ دننگ اٹ پاکستان اہم کڑد ادا کننگ کیک، پاکستان ڈیہہ اٹی واپاری شریداری ءِ ودفنگ خواہک، ڈیہہ اٹی واپار نا مون آ دننگ آن پاکستان نا برآمد آتیٹی ودکی ممکن ءِ۔