ریلوائی نا 550 بے کچ حساس بیدس نگرانی لیول کراسنگ آتے صوبائی حکومت آتا کمک اٹ زیرنگرانی لیول کراسنگ آتیٹی بدل کننگک، اعظم نذیر تارڑ

اسلام آباد۔ 18 فروری (اے پی پی) بنجائی وزیر پارلیمانی امور و کانود و انصاف سینیٹر اعظم نذیرتارڑ پارینے کہ ریلوائی نا 550 بے کچ حساس بیدس نگرانی لیول کراسنگ آتے صوبائی حکومت آتا کمک اٹ زیرنگرانی لیول کراسنگ آتیٹی بدل کننگک۔ ریلوائی لائن آ ہرپوسکن آبیدس نگرانی کراسنگ آتا تفنگ آ پابندی خلنگانے ۔ سے شنبے نادے آ ایوان بالا نا دیوان اٹی وقفہ سوج آتیٹی سوج انا ورندی ءِ ترسا اوپارے کہ ریلوائی نیٹ ورک اٹی گیٹ کیپر آن بیدس جم وڑاٹ 2777 لیول کراسنگ ساڑی ءُ۔ ہرافتیان 1416 بیدس نگرانی وخت اس کہ 1361 زیر نگرانی ءُ۔ بیدس نگرانی لیول کراسنگ آتے نگرانی لیول کراسنگ آتیٹی بدل کننگ کن مالی وسیلہ غاتا فراوانی نا زمواری صوبہ و ضلع غاتا تعلقدار سڑک آتا مالکانہ ادارہ غاتا زمواری ءِ۔ داتم اسکان 175 بیدس نگرانی لیول کراسنگ آتے اپ گریڈ کننگانے ایلو ماندہ کراسنگ آتا بدلی کن صوبائی حکومت آتون رابطہ ٹی اُن۔