دہ سال آن پد 40 پوسکن آفشورو 31 آنشور بلاک آتا پڑو ءِ کننگانے، وزیر پیٹرولیم ڈاکٹر مصدق ملک

اسلام آباد۔ 18 فروری (اے پی پی) بنجائی وزیر پیٹرولیم مصدق ملک پارینے کہ دہ سال آن پد تیل و گیس انا پٹنگ کن 40 پوسکن آفشور و 31 آنشور بلاک آتا پڑو ءِ کننگانے وخت اس کہ اسہ بھاز بھلو بشخ اس داسکان دریافت متنے۔ سے شنبے نادے آسی می سالانہ ٹیکنیکل کانفرنس و آئل شو آن تران کرسا اوپارے کہ شیل و ٹائٹ گیس انا کوڑی ساڑی ءِ، پاکستان بزنس کن ملوک ءِ و جہانی زرکار آتیکن دا بلاک آتیٹی زرکاری نا جوا ن ءُ وارخواہی اس ساڑی ءِ ، نن اوفتے غٹ آسراتی تے فراوان کینہ۔ بنجائی وزیر پارے کہ ڈیریگولیشن نا پالیسی و پرائس کیپ اتون آئل سیکٹر اوپن کننگ نا پالیسی اس ہم اتنگ اُن، ملک انا تقدیرءِ بدل کننگ کن اسہ وار ٹیکنالوجی اس اتنگ گنج ا س اف داڑکن پدریسہ انوویشن نا گرج ءِ۔ ڈاکٹر مصدق ملک پارے کہ آئل سیکٹر ءِ پوسکن آٹیکنالوجی آ شفٹ کروئی مریک، وزیراعظم نا تغ ءِ کہ پاکستانی گچین و آسان زند اس تیرکیر۔ اوپارے کہ اسہ نیم مشین اس اتنگ آن شونہالی بفک، پائیدار شونداری کن تینٹ سائنس و پٹ وپول ناکاریم ءِ کروئی مریک۔ بنجائی وزیر پیٹرولیم پارے کہ ہراتم ورناچین اٹی خوداعتمادی مریک کہ او کاریم کننگ کیرہ تو ولدا دا ملک شون ہلیک۔ پت ودی کروئی مریک کہ نن گچین ءُ قوم اسے اُن۔ اوپارے کہ ننے جنگ و جھیڑہ نا جاگہ غا شونداری آ چکار کروئی مرے، غٹ اسکان توانائی نا فراوانی ننا اولیت آتا اہم جزو ءِ و داڑکن حکومت خواری کننگ اٹی ءِ۔ اونا پاننگ ئس کہ نیزگار الس کن توانائی نا قیمت ءِ کم کننگ حکومت نا اولیت آتیٹی اوار ءِ و داڑ آکاریم کننگ انگ ءِ۔ وزیر پیٹرولیم پارے کہ چاگڑد آتوانائی نا اثرآتیکن ہم حکومت کاریم کننگ ءِ و اڑزان توانائی کن ہندی پیدوار ءِ ودفنگ آ چکار کننگ ءِ، ہموتوانائی ءِ امر کینہ ہرادے اُلس ہلنگ کپ۔ توانائی نا ہندی وسیلہ غاتے کاریم اٹ اتنگ اُن۔ اوپارے کہ الیکٹریفکیشن آ داوخت آ بھاز کاریم کننگ اُن۔ ڈاکٹر مصدق ملک پارے کہ ننے کاریم کننگ نا وڑوڈول ءِ بدل کروئی مریک، پاکستان اٹ بھاز پوٹینشل ءِ۔