اسلام آباد۔18فروری (اے پی پی):مزن وزیر محمد شہباز شریف ءَ بنجاہی حکومت اسلام آبادءَ رجب طیب ایردوان انٹرچینج ءَ را پہ ٹریفک ءِ ھاترءَ پچ کنگءِ ھاترءَ آئی ءِ دیم درائی کتگءُ گشتگ کہ رجب طیب ایردوان انٹرچینج ءِ جوڑ بوھگءَ چہ جاڑیں شہر آنی مردماناں ھاترءَ ارزانی بیت ، جناح سکوائر ءَ پد یک دگہ جوانیں اُلسی منصوبہ سرجم بوتگ۔ بنجاہی دارالحکومت ءَ را گیش ڈولدار کنگءِ ھاترءَ گیش منصوبہ ہم سرجم کنگ بنت۔اے ھیالانی درشانی آئیءَ تہی کارانی وزیر محسن نقوی، راجی اسمبلی ءِ باسک طارق فضل چوہدری، محمد حنیف عباسی ءُ پاکستان ءَ ترکیہ ءِ سفیر عرفان نزیر اوغلو ہم ساڑی بوتگ اَنت۔ مزن وزیر ءَ گشتگ کہ جناح سکوائر ءَ پد یک دگہ اُلسی منصوبہ سرجم بوتگ، فلائی اوور، یوٹرن ءُ دگانی جوڑ کنگءِ اے منصوبہ ءَ چہ اسلام آباد ءُ روالپنڈی ءِ شہری آناں آسراتی رسیت، تہی کارانی وزیر، سی ڈی اے چیئرمین محمد علی رندھاوا ءُ منصوبہ ءَ گوں بندوکیں ایندگہ حکامءَ را محسن نقوی سپیڈ ءِ مبارک بات ءَ پیش کناں، کم مدت ءِ تہا منصوبہ ءِ سرجم کنگ لکھ ستاہ کرز ایت۔ آئی ءَ گشت کہ بنجاہی دارالحکومت ءِ تہا دیمروئی ءِ کاراناں گندگءَ باز وشی بوھگءَ ایں، 84 روچاں ردءُ بند داتگیں حرچءَ چہ کم ھرچءَ اے منصوبہ سرجم کنگ بوتگ، اسلام آبادءَ را گیش ڈولدار کنگءِ ھاترءَ گیش منصوبہ ہم سرجم کنگ بنت، سالڈویسٹ منیجمنٹ ءَ را زوتاں چہ زوت سرجم پہ اسلام آباد ءِ شہری آنی ھاترءَ باز المی ایں، ایشی ءَ چہ مردماناں پائدگ رسیت، اے بُنگیجی مراگش ءِ عکس ءُ ویڈیو ترکیہ ءِ صدر رجب طیب ایردوان ءَ را دیم دئیاں کہ آ پاکستان ءِ دوستءُ ھیرلوٹوک ایں، ترکیہ ءِ صدر ءِ آھگ اسلام آبادءَ را گوں ڈولداریءَ سمبائنگ بوتگ۔ آئیءَ را کلوہ ءَ سرکناں کہ پاکستان ءُ ترکیہ براتیں ملک ءُ جوانیں سنگت اَنت۔ مراگشءَ گوں تران کتگءُ تہی کارانی وزیر محسن نقوی ءَ گشتگ کہ اے منصوبہ ءَ را بجٹ ءِ تہا ایر کتگیں زرآں چہ کم حرچ ءُ ریکارڈ مدت ءِ تہا آئی ءَ را سرجم کنگ بوتگ، اے منصوبہ ءَ اسلام آباد ءِ زیبائی گیش کتگ۔ چیئرمین سی ڈی اے ءَ بریفنگ دیگ ءِ وھد ءَ گوشت کہ منصوبگ ءِ سرجمی ءِ وھد 180 روچ ءِ تہ ءَ ایر کنگ بوتگ بلے اے منصوبگ ءِ تہ ءَ ایف 10 ءَ گوں ہم دپ بوتگیں 4.3کلومیٹر سڑک ھم جوڑ کنگ بوتگ اَنت کہ اے منصوبگ ءِ سرجمی ءِ ھاتر ءَ جوڑ کنگ بوتگ۔ھور ءِ آپ ءِ درکنگ ءِ ھاترءَ 2 کلومیٹر دراجیں نالی ہم جوڑ کنگ بوتگ، منصوبہ ءِ سرجمی ءَ چہ روچے 70 ہزار گاڑی اے فلائی اوور ءَ چہ پائدگ چست کناں۔ منصوبہ سرجم بوھگءَ چہ ایف ایٹ چوک ءَ چہ ہمک روچے کساس 41 ہزار گاڑی گوازاں، اے منصوبہ ءَ چہ سیکٹر جی ایٹ، جی نائن، کشمیر ہائی وے ءُ سینٹورس مال ءِ نیمگءَ چہ آیوکیں شہری پائدگ چست کناں، منصوبہ ءَ ہوار 1.3 کلومیٹر دراجیں انڈرپاس ءِ 42 روچاں سرجم کنگ بوتگ، منصوبہ ءِ تہا 1.1 کلومیٹر دراجیں فلائی ہم جوڑ کنگ بوتگ۔
