اقوام متحدہ ئِ چیردستی ءَ میاں اوستمانی کانفرنس ئِ تہا سماجی، سیاسی ءُ انسانی ھکانی ھوالگئَ پاکستان ئِ رپورٹ پیش
چُک، زالبول ءُاقلیت آنی ھکانی پلگارگ ئِ ھاترئَ پاکستان ئِ گامگیج لکھ ستاھ کرز اَنت
انسانی ھکانی میاں اوستمانی کمیٹی ئِ چیئرپرسن مارگوواٹروال نائب
اسلام آباد۔ 18جولائی(اے پی پی) انسانی ھکانی بنجاھی وزیر کامران مائیکل ئِ سروکی ئَ پاکستانی ڈل ئَ اقوام متحدہ ئِ چیردستی ئَ میاں اوستمانی کانفرنس ئِ تہا سماجی، سیاسیءُ انسانی ھکانی ھوالگئَ رپورٹ پیش کتگ کہ ایشیئِ سرئَ باسکاں سدّکی ئِ درشانی کتگ۔ جینوا ئَ چہ ھالانی ردئَ اے ھوالگئَ بنجاھی وزیر کامران مائیکل ئَ گشتگ کہ پاکستان ئَ اینچوجیڑھءُ جنجالاں ابید ھم انسانی ھکانی پلگارگئِ سرئَ اھچ وڑیں من ءُ گر نہ کتگ۔ آئیئَ گشتگ کہ انسانی ھکانی ھوالگئَ میاں اوستمانی کانودئِ سرئَ عمل درآمد کنگ بوھگئَ اِنت۔ کامران مائیکل ئَ گشتگ کہ رنگءُ نسل ءُ مذہب ئَ چہ بُرز بوھگءُ انسانی ھکانی پلگارگ پاکستانئِ مول ءُ مراد بوتگ۔ آئی ئَ گشتگ کہ پاکستان بازیں وھداں چہ قدرتی اپت ھاص ناشرکاری ئِ ھلاپئَ جنگ کنگئَ اِنت۔ آئیئَ گشتگ کہ حکومت پاکستان زالبولانی ھکانی پلگارگ ءُ آھاناں معاشی ءُ سیاسی بستارئَ وت واک کنگئِ ھاترئَ ھاسیں گامگیج کنگئَ اِنت کہ ایشی ئِ عملی سبوت سیاسی ءُ سماجی تک ئَ زالبولانی سرجمیں رھشونی اِنت۔ اے موھئِ سرئَ انسانی ھکانی میاں اوستمانی کمیٹی ئِ چیئرپرسن مارگوواٹر وال نائب ئَ گشتگ کہ انسانی ھک ھاس چک، زالبول ءُ اقلیت آنی ھکانی پلگارگئِ ھاترئَ حکومتئِ گامگیج لکھ ستاھ کرز اَنت ۔
