بلوچستان ءِ اُلس وطن دوست اَں، نوابزادہ جمال خان رئیسانی

اسلام آباد۔18فروری  (اے پی پی):بلوچستان ءِ سرڈگار مدام وتن دوستی ءِ گواہ بوتگ پاکستان پیپلز پارٹی بلوچستان ءِ سروک ءُ راجی اسمبلی ءِ باسک نواب زادہ جمال خان رئیسانی ءَ گشتگ کہ بلوچستان ءِ مہلوک ءَ اے گپ ثابت کتگ کہ وتن ہم چو دومی صوبہانی مہلوک ءَ انت۔ میڈیا ءَ پارلیمنٹ گس ءِ دپ ءَ گوں تران کنان ءَ آئی ءَ گشتگ کہ ما بلوچستان ءَ راجی بیرک ہما وہد ءَ چست کتگ کہ اے گناہ زانگ بوتگ آئی ءَ گشتگ کہ منی پت ءُ برات گوں وتی 300 سنگتاں شہید بوتگ انت بس ہمے واستا کہ ما پاکستان ءِ سبزیں ہلال بیرک چست کتگ ۔بلے ایشی ءَ پد جاور ھال شر بوھگ ءَ لگ اِت اَنت ءُ بلوچستان ءِ راج ءَ اے گپ ثابت کُت کہ آ دگہ صوبہانی مردمانی وڑ ءَ راج دوست اَنت نواب زادہ جمال خان رئیسانی ءَ گیش گْوشت کہ 2017 ءَ ملک ءِ دراجیں پرچم چست کنگ بوتگ ءُ مرچی بلوچستان ءِ ھچ دمگ نیست کہ اودا راجی بیرک چست کنگ  نہ بوتگ ءُ راجی سوت شینزرگ نہ بوتگ ۔ آئی ءَ گشتگ کہ عمر ایوب  ءِ فوجی پُشدر  اَست ایں بلے آ پدا ہم بلوچستان ءِ بابت ءَ ردیں کچ ءُ کساس پیش کنگ ءَ اِنت کہ اے ھچ رنگ ءَ منّگ نہ بیت۔ آئی ءَ گوشت کہ بلوچستان ءِ الس آنی ھلاپ ءَ ردیں  پروپیگنڈا ءَ چہ پھریزگ ءُ راستیں راج دوستی ءِ منگ بہ بیت۔