سینیٹءِ ڈپٹی چیئرمین اپوزیشن ءَ را ایوان ءَ برابری ءِ موہ ءَ دنت، جاک ءُ کوکار کنگ شرایں چیزے نہ اِت، بنجاہی وزیر اعظم نذیرتارڑ

اسلام آباد۔18فروری  (اے پی پی):مزن گسی کا ر کانودءُ انصاف ءِ بنجاہی وزیر سینیٹر اعظم نذیر  تارڑ ءَ گشتگ کہ سینیٹءِ ڈپٹی چیئرمین سیدال خان ناصر اپوزیشن ءَ را ایوان ءِ تہا برابری ءِ موہ ءَ دنت ، آیانی جاک ءُ کوکار کنگ شرایں چیزے نہ اِت۔ سئے شمبے ءِ روچءَ ایوان بالا ءِ دیوان ءَ اپوزیشن ءِ جاکءُ کوکار ءِ ہوالگءَ  سینیٹءِ  ڈپٹی چیئرمین ءِ رولنگ ءِ سرءَ آئیءَ گشتگ کہ اے وضاحت  آئین و کانود ءِ ردا ایں، ایوان ءِ کاروائی  گوں جوانیءَ دیما برگ بوھگءَ ایں۔ آئی ءَ گشتگ کہ  ڈپٹی چیئرمین ءَ  ایوانءِ تہا اپوزیشن ءَ را  وتی گپ کنگءِ  برابری ءِ موہ داتگ، ایوان ءِ تہا حزب اختلاف کنگ جوانیں کارے  نہ اِت، آئیءَ را گوں نرمی ءَ گپ کنگ لوٹ ایت۔