اسلام آباد۔17فروری (اے پی پی): بنجاھی وزیر ءِ اطلاعات، شنگکاری، راجی مڈی ءُ دود ءُ ربیدگ عطا اللہ تارڑ ءَ گشتگ کہ جگیوت روڈ ءُ سکندر اعظم روڈ ءِ ھوالگ ءَ جیڈھ ھلاس کنگ بوتگ انت، ءُ اے سڑک آنی جوڑ کنگ ءَ چہ الس ءِ جیڈھ زوت گیش ءُ گیوار کنگ بنت۔ دو شمبے ءِ روچ ءَ راجی اسمبلی ءِ دیوان ءَ راجی اسمبلی ءِ باسک نژت صادق ءِ نیمگ ءَ چہ دلگوشی ءِ نوٹس ءِ پسو ءَ بنجاھی وزیر ءِ اھوالکاری ءَ گوشت کہ جگیوٹ روڈ ءُ سکندر اعظم روڈ ءِ ھوالگ ءَ پیسر ءَ چہ نوٹس زورگ بوتگ، ءُ اے سڑک آنی جوڑیشت ءِ ھوالگ ءَ جیڈھ آناں گڈی رنگ دیگ بوتگ۔ اے سڑک آنی جوڑ کنگ ءَ چہ زوت مہلوک ءِ جیڈھ گیش ءُ گیوار بنت۔ آئی ءَ گوشت کہ شاہ اللہ دیتا ءِ نزیک ءَ سڑک ءِ جوڑیشت ءِ واستہ کنٹریکٹ دیگ بوتگ سڑک ءِ جوڑیشت ءِ کچ ءُ کساس ءِ ھرچ ءُ درچ 520کلڑ کلدار بوتگ اے منصوبگ ءِ سر ءَ کار سرجم بوتگ۔ فنڈز ءِ کمی ءِ سبب ءَ کار ءَ چیزے دیر بوتگ بلے فنڈز دست کپگ ءَ گوں اے کار سرجم کنگ بیت۔ آئی ءَ گوشت کہ علی پور فراش ءَ جاگیوت روڈ ءِ جوڑیشت 30جون ءَ تاں سرجم کنگ بیت۔ دوئیں سڑک آنی سرا کار جاری انت، فنڈز ایر کنگ بوتگ۔
