اسلام آباد۔ 17 فروری (اے پی پی) نیشنل پولیس اکیڈمی ءِ اپ گریڈ کرسا ملٹری اکیڈمی کاکول ناطرز آ استوار کننگ نا ڈٹ تیار کننگانے ہرا اکیڈمی نا تاریخ اٹی پوسکن آ وڑتیا اپ گریڈیشن نا اولیکو ڈٹ ءِ۔ وزیرداخلہ محسن نقوی نیشنل پولیس اکیڈمی نا دورہ ٹی اکیڈمی نا پوسکن تنظیم نا بابت بڑزکو کہولی دیوان نا کماشی ءِ کرے۔ اکیڈمی نا کمیٹی روم اٹی اڈ ہلوک دیوان اٹی کمانڈنٹ نیشنل پولیس اکیڈمی محمد ادریس احمد ماسٹر پلان آ سرجمی اٹ حوال تس۔ دیوان اٹی فیصلہ کننگاکہ نیشنل پولیس اکیڈمی نا تنظیم نو نا ڈٹ آ ریسہ وار عمل درآمد کننگک۔ وزیرداخلہ پریڈ گراؤنڈ ءِ بھلن و زیبا جوڑ کننگ و انڈر ٹریننگ آفیسر آتیکن ہنکینی بلاک ءِ الویتی بنداوتیا بناکننگ نا پارت کرے۔ بنجائی وزیر داخلہ پارے کہ ننا مسخت نیشنل پولیس اکیڈمی ءِ اسہ جہانی آب انا ادارہ ا س جوڑ کروئی ءِ، ٹیکنیکل ٹریننگ سینٹر، و پوسکن آ انڈوروآؤٹ ڈور فائرنگ رینجر جوڑ کننگ نا فیصلہ کننگانے۔ وزیرداخلہ پارت کرے کہ المی بدلی تیان پد ماسٹر پلان نا دوارہ پیش کننگے۔ دیوان اٹی کمانڈنٹ نیشنل پولیس اکیڈمی ، چیئرمین سی ڈی اے، آئی جی اسلام آباد ، ڈی سی اسلام آباد و تعلقدار بڑزکو آفیسر آک بشخ ہلکر۔
