اسلام آباد۔17فروری (اے پی پی):سینیٹ ءِ چیئرمین سیدیوسف رضا گیلانی پنچ روچی سرکاری تر ءُ تاب ءَ آذربائیجان ءَ شتگ ۔ دوشمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ ءِ سروکی ءَ ڈل ایشیائی پارلیمانی اسمبلی ءِ سالی دیوان ءُ ایندگر ھاسیں دیوان آنی تہ ءَ بھر زوری کنت۔ چیئرمین سینیٹ سیدیوسف رضا گیلانی ءِ سروکی ءَ یک مزن تک ءِ ڈل ءَ دو نیمگی سیادی، تجارت ءُ سرمایہ کاری ءِ دیمروئی ءَ ھوار جتا جتائیں جیڈھ آنی سر ءَ سرجمیں گپ ءُ تران کنگ بیت چیئرمین سینیٹ ءَ آذربائیجان ءِ مزنیں سروکی ءَ گوں ھم گند ءُ نند کنت تانکہ دو نیمگی سیادی، اقتصادی کمک ءُ استحکام ءِ سر ءَ گپ ءُ تران کنگ بیت۔ ایشیائی اسمبلی ءِ برجم دارگ ءِ مول ءُ مراد دوئیں ملک آنی نیام ءَ پارلیمانی، اقتصادی، تجارتی ءُ دود ءُ ربیدگ ءِ سیادی ءَ را گیش کنگ اِنت۔ آپریشن ءِ پٹ ءُ پول چیئرمینسینیٹ ءِ آذربائیجان ءِ تر ءُ تاب ءِ وھد ءَ کنگ بیت۔ چیئرمین سینیٹ آذربائیجان ءَ نندوکیں پاکستانی کمیونٹی ءَ گوں گند ءُ نند کنت ءُ آہانی جیڑہ ءُ جنجالاں گوشدار ایت۔ اے تر ءُ تاب ءَ چہ پاکستان ءُ آذربائیجان ءِ سیادی آنییک نوکیں باب ءِ بندات بیت پاکستانی ڈل ءِ تر ءُ تاب ءَ چہ اقتصادی ءُ تجارتی کمک ءَ را گیش دیمروئی رسیت ءُ دوئیں ملک آنی پارلیمنٹ آنی نیام ءَ سیادی ءَ را گیش مھکم کنگ بیت۔
