نیویارک۔17فروری (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار نیویارک ءَ سر بوتگ آ اقوام متحدہ ءِ سلامتی کونسل ءِ دیوان ءَ بہر زوریت کہ 18 فروری 2025 ءَ برجم دارگ بیت ءُ ایشی ءِ بنگپ ’’کثیر جہتی نظام ءِ سر ءَ عمل کنگ: گلوبل گورننس ءِ اصلاح ءُ گہتری‘‘ اِنت۔ درئی کارانی کارگس ءِ رد ءَ نیویارک ءِ بالی پٹ ءَ نائب مزن وزیر ءَ را اقوام متحدہ ءِ تہ ءَ پاکستان ءِ مستقل نمائندہ سفیر منیر اکرم، متبادل دائمی نمائندہ سفیر عاصم احمد ءُ نیویارک ءَ قونصل جنرل ءَ وش اتک کت۔ اے ھاسیں گند ءُ نند ءِ تہ وزیر ءِ درئی کار جہانی چیلنجز آنی گیواری ءُ کثیر نیمگی نظام ءَ را کارآمد جوڑ کنگ ءِ ھوالگ ءَ پاکستان ءِ لیکہ پیش کنت۔ اے سلامتی کونسل ءِ دیوان ءَ جھان ءِ امن ءُ ایمنی ءِ واستہ اصلاحات ءُ گہتریں گورننس ءِ گامگیج آنی سر ءَ دلگوشی دیگ بیت۔
