لاہور۔16فروری (اے پی پی):گورنمنٹ کالج یونیورسٹی لاہور ءِ 124می سالانہ اسپورٹس مقابلہ ءِ آسر ءَ چیف سیکرٹری پنجاب زاہد اختر زمان ءَ بنداتی مراگش ءَ بہر زرتگ ات ایشی ءِ تہ ءَ سروکیں سیکرٹری اسپورٹس اینڈ یوتھ افیئرز مظفر خان سیال ءُ نامداریں ٹینس سٹار اعصام الحق قریشی ھم ھوار بوتگ ات۔ اے موہ ءِ سر ءَ چیف سیکرٹری پنجاب ءَ جتا جتائیں مقابلہ آنی تہ ءَ جوانیں کارکردگی پیش داشتگیں نودربر آنی تہ ءَ انعام بھر ءُ بانگ کت چیف سیکرٹری ءَ گڈی مراگش ءَ گوں تران کنان ءَ گوشت کہ اولڈ راوئینز ءَ آیگ سک باز وشی بوتگ۔ آئی ءَ گوشت کہ ورنا آنی واستہ جان سلامتی ءِ چست ءُ ایر آناں دیمروئی دیگ پنجاب حکومت ءِ اولی ترجی آنی تہ ءَ ھوار اِنت۔ آئی ءَ یونیورسٹی ءِ جتاجتائیں شعبہانی تر ءُ تاب کتگ ءُ نودربراں گوں ہم گپ ءُ تران کتگ۔ نودربراں گوں چیف سیکرٹری ءَ اکس کش اِت۔ نودربراں وتی تاثرات ءِ درشانی کنان ءَ گوشت کہ آ اولڈ راوئینز ءِ مزنیں عہدگ آنی سر ءَ گندگ ءَ بے دروریں وشی ءِ آماچ اَنت کہ آ اسپورٹس مقابلہ آنی تہ ءَ جنک آنی تہ ءَ اولی نمبر نفسیات ءِ شعبہ ءَ گپتگ ءُ دومی نمبر پولیٹیکل سائنس ءِ شعبہ ءَ گپتگ۔ محکمہ تجارت ءُ مالیات ءَ بچک آنی تہ ءَ اولی نمبر گپتگ ءُ دومی نمبر ءَ کانود ءِ محکمہ ءَ جوانیں ایتھلیٹ ایوارڈ جسمانی تعلیم ءِ محکمہ ءَ چہ محمد شاہد ءَ گپتگ جنک آنی تہ ءَ نفسیات ءِ شعبہ ءَ چہ علینہ گل ءَ را جوانیں ایتھلیٹ لیکگ بوتگ۔ بنداتی روچ ءَ میوزیکل چیئرز ءُچاٹی ریس ءَ ھوار جتا جتائیں جمخانہ ءِ مقابلہ ھم برجم دارگ بوتگ انت ءُ بنداتی مراگش ءَ ٹگ آف وار ءِ مقابلہ ءَ اولڈ راوئینز الیون ءَ جی سییو ءِ رجسٹرار ڈاکٹر شوکت علی ءَ را ہار داتگ ءُ گڈی مراگش ءَ ڈائریکٹر اسپورٹس محمد وسیم ہم ھوار بوتگ انت۔
