اسلام آباد۔16فروری (اے پی پی):سینیٹ ءِ چیئرمین سید یوسف رضا گیلانی ءَ بلوچستان ءِ ضلع قلات ءَ سیکورٹی فورسز ءِ سر ءَ ناشرکاری اُرش ءِ سک باز مذمت کتگ سینیٹ ءِ سیکرٹریٹ میڈیا ڈائریکٹوریٹ ءِ نیمگ ءَ یک شمبے ءِ روچ ءَ جاڑی بوتگیں بیان ءِ تہ ءَ آئی ءَ اے بزدلیں اُرش ءَ را امن ءُ ناشرکاری ءِ سر ءَ اُرش ءِ نام داتگ۔ s ءُ پاکستان ءِ وشھالی ءُ اے رنگیں کارانی وسیلگ ءَ دیمروئی ءِ عمل ءَ را بند کنگ لوٹ ایت چیئرمین سینیٹ ءَ سیکورٹی فورسز ءِ شہید آناں شگر ءُ منت گپت ءُ آھانی کھول ءِ مردم آں گوں دل ءِ جہلانکی ءَ ھمدردی ءُ دلپدردی درشان کت۔ ٹپیگیں کارندہ آنی زوت جان سلامتی ءِ دعا کنان ءَ آئی ءَ گوشت کہ راج وتی بہادریں زھگ آنی قربانی آناں ھچبر شموشکار نہ بیت سید یوسف رضا گیلانی ءَ گیش گوشت کہ پاکستان ءِ سیکورٹی اُرد ءُ الس آنی جزم ءُ دلیری مزن اِنت ءُ ما درست ناشرکاری ءِ آفت ءِ رِد ءُ بند دیگ ءِ واستہ جزمیں۔ آئی ءَ اے جزم ءِ یک رندے پدا گوشت کہ ناشرکار آنی بزدلیں کار مئے حوصلہ ءَ را کمزور کت نہ کن اَنت ءُ ملک ءَ امن ءُ ایمنی ءُ دیمروئی ءِ سفر برجاہ بیت سید یوسف رضا گیلانی ءَ دعا کت کہ اللہ تعالیٰ شہید آنی رند ءَ بُرز بہ کنت ءُ آوانی کھول آناں صبر ءُ اوپار بہ دنت۔
