اسلام آباد۔15فروری (اے پی پی):صدر آصف علی زرداری ءَ گوشت کہ پاکستان چین ءِ جغرافیائی نزیکی ءِ سبب ءَ کشت ءُ کشاری، مواصلات، خلائی ٹیکنالوجی ءُ صنعت ءَ ھوار جتا جتائیں شوبگ آنی تہ ءَ چین ءِ دیمروئی ءَ چہ فائدگ چست کنگ ءِ واھشت مند اِنت۔ چین ءِ گوما ابدمانیں دوستی ءِ اولویت چیا کہ چین مدام مئے مھکمیں سنگت بوتگ ءُ ہر گرانیں وھد ءَ پاکستان ءِ ھمراھی ءَ اوشتاتگ۔ صدر ءِ مملکت ءَ چین ، آئی ءِ سروکی ءُ راج ءِ واستہ پاکستان ءِ بے مٹیں کمک ءِ یک رندے پدا گوشت کہ آ اے مھکمیں دوستی ءِ سیادی آنی سر ءَ دل یکیمی ءَ گوں ایمان داریت۔ آئی ءَ گوشت کہ پاکستان وتی جغرافیائی جاہ ءُ گیشیں وت مہ وتی کمک ءُ شریکداری ءِ سبب ءَ چین ءِ دیمروئی ءُ جتا جتائیں شوبگ آنی تہ ءَ تجروبت آں چہ گیشاں چہ گیش سیت زورگ لوٹ ایت۔ آئی ءَ سائنس ءُ ٹیکنالوجی ءِ پڑ ءَ چین ءِ سوبمندی آناں سرجمیں دگنیا ءُ دمگ ءِ واستہ وش آتکیں دیمروئی لیک اِتگ۔ صدر ءِ مملکت ءَ گوشت کہ کشت ءُ کشاری ھما شعبہ انت کہ ایشی ءِ تہ ءَ چین مئے کمک ءَ کت کنت پرچا کہ پاکستان ءِ فی ایکڑ پیداوار چین ءَ چہ کم انت۔ خلائی ٹیکنالوجی ءِ تہا چین ءُ پاکستان ءِ کمک ءِ بابت ءَ جست ءِ پسو ءَ آئی ءَ گشتگ کہ پاکستان چین ءِ ٹیکنالوجی ءَ چہ سیت زورگ ءِ واھشت مند انت۔ آئی ءَ گیش گوشت کہ پاکستان اے درگت ءَ چین ءِ گوما شریکداری ءِ جوڑ کنگ ءَ وتی گنجائش ءَ را گیش کنگ ءَ اِنت، اے یک وشیں دیمروئی یے آئی ءَ گوشت کہ آپ ءِ کارمردی ءِ جیڈھ بہ بیت یا موسمیاتی بدلی ءِ جیڈھ بہ بیت، پاکستان وتی دیمروئی ءِ واستہ ھرچ شوبگ ءَ چینی ٹیکنالوجی ءَ را کارمرد کت کنت ءُ پاکستان چین ءِ تجربگ آنی تہ ءَ چہ سیت چست کنگ لوٹ ایت۔ ءِ معاشی زمین ءِ ندارگ۔ صدر ءِ مملکت ءَ گوشت کہ چین ءِ گوستگیں تر ءُ تاب ءِ ساھت ءَ دوئیں نیمگ ءَ صنعتی دیمروئی ءِ بابت ءَ گپ ءُ تران بوتگ۔ صنعتی پارک ایوک ءَ چین ءِ واستہ بنت ءُ ایشی ءِ تہا پاکستانی کارمند کار کن انت ءُ یک کمپنی ءِ سی ای او چین ءَ نشت کنت ءُ آن لائن کاروبار ءَ کنت۔ صدر ءِ مملکت ءَ گوشت کہ چین ءُ پاکستان مدام سبزیں دوست انت۔ آئی ءَ وتی آیوکیں نسل آنی واستہ چینی ٹیکنالوجی ءَ چہ نپ چست کنگ ءِ ضلورت ءِ سر ءَ زور پر دات ءُ گوشت کہ اگاں من چین ءِ رہبند آنی رد ءَ وت ءَ را دیمروئی دات نہ کن آں گڑا من چین ءِ دراجیں دیمروئی ءَ چہ نپ چست کن آں ۔ یک جستے ءِ پسو ءَ آئی ءَ گشتگ کہ پاکستان وتی جاہ ءُ چینی مہلوک ءِ گوما سداں سالانی سیادی ءَ چہ پائدگ زورگ لوٹیت۔ آئی ءَ چینی راج ءِ واستہ وتی مہر ءِ درشان کنان ءَ گشتگ کہ من ءَ مہر انت ءُ مدام چین ءِ گوما اوشتات کناں۔ صدر ءَ وتی انوگیں تر ءُ تاب ءِ گڈسرا اے گپ جتگ کہ ”نیک راھی، نیک راھی ءُ نیک راھی“ کہ مدام اعتماد، نیک راھی ءُ یک گہتریں سیادی ءِ بابت ءَ اِنت۔ صدر ءَ صدر شی جن پنگ ءِ ’’باز مھکم ءُ سک مھکم‘‘ رہشون ءِ بستار ءَ توسیپ کتگ کہ آ بازیں چیزاں جوانیں رنگ ءَ سرپد اِنت۔ آئی ءَ گیش کرتگ کہ آ دنیا ءَ را اے پیغام دیگ لوٹ ایت کہ آ سدا سبزیں سنگت اَنت۔ صدر شی جن پنگ ءِ سیاسی فلسفہ ءُ حکومت داری ءِ طرز ءِ سک باز ساڑاھگ ءِ وھد ءَ آئی ءَ اے گپ ءِ سرا چمشانک دات کہ چین ءَ جتا جتائیں پڑاں پیشرفت کتگ، چینی صدر ءِ سروکی ءَ دیمروئی ءِ سنگ میل ءِ سر ءَ سر بوتگ، یک سکیں مزنیں فرقے ءِ سرا چمشانک دیگ بوتگ یک دگہ جُستے ءِ پسو ءَ صدر زرداری ءَ گوشت کہ چین ءُ پاکستان ءِ نیام ءَ سیادی سد سال انت۔ ھیال ءُ لیکہ گوں یکے دومی ءَ آئی ءَ گوشت کہ اے سیادی انسانیت ءُ بھروسہ ءِ سر ءَ بندوک اِنت۔ چین ءِ سرا کدی قبضہ نہ بوتگ۔ صدر آصف علی زرداری ءَ وتی تر ءُ تاب ءِ وھد ءَ چین ءِ سروکی ءَ گوں گند ءُ نند ءَ گشتگ کہ پاکستان ہراپہ ءُ موہنجو داڑو ءِ وڑیں دگنیا ءِ کوہنیں تہذیبانی جھولا بوتگ وھدیکہ چینی وتی کوھنیں گلوبل تہذیب ءِ واھند انت کہ آئی ءَ آھاں گوں یکجا کتگ۔ چین ءِ دیمروئی ءِ بابت ءَ جست کنگ ءَ آئی ءَ گشتگ کہ من ہر وہد ءَ چین ءِ تر ءُ تاب کتگ گڑا جتاجتائیں شہرانی نوکیں دیمروئی آں چہ باز متاثر بوتگ۔ آئی ءَ بیجنگ ءِ شہر ءِ حوالہ داتگ کہ آ گڈی رند ءَ دہ سال پیسر اودا شتگ ات۔ آئی ءَ گوشت کہ اے یک راستی یے کہ چینی اُلس محنتی انت۔ آئی ءَ گوشت کہ چینی راج ءِ اجتماعی نپ ءِ واستہ ھرکس وتی وتی پڑ ءَ کار کنگ ءَ انت۔ صدر ئِ مملکت ئَ گوشت کہ چین ئَ 1.4ارب مردم ئِ نندوک انت ایشی ئَ دگنیا مقابلہ ئَ کت نہ کنت چیاکہ اے درست نوکیں ٹیکنالوجی ئِ جیڈھ ئَ انت جتاجتائیں شوبگ ئَ چین ئِ ترندیں دیمروئی ئِ ھوالگ ئَ آئی ئَ گوشت کہ دگنیا ئَ اے وڑیں ترندیں دیمروئی ئَ چہ ترسگ مہ بیت۔ آئی ءَ گوشت کہ پاکستان یک ھمساھگے ءِ بستار ءَ زانت کہ چینی ھما نہ اَنت کہ دومی ملک ءِ تہ ءَ دست مان کنگ لوٹ اَنت۔ صدر ئِ مملکت ئَ گوشت کہ چین ئِ ترندیں دیمروئی ئِ رد ئَ من کدی ھم چین ئَ چہ ترس ئَ نہ کناں۔ صدر آصف زرداری ءَ دل یکیمی ءِ درشانی کت کہ آیوکیں سال ءَ چین ءِ چیئرمین شپ ءِ زمہ واری ءِ گرگ ءَ پد شنگھائی کوآپریشن آرگنائزیشن یک ھاسیں گلوبل فورم ءِ رنگ ءَ دیم ءَ جنت۔
