اسلام آباد۔15فروری (اے پی پی):مزن وزیر محمد شہباز شریف ءَ خیبر پختونخوا ءَ فتنہ الخریج ءِ ھلاپ ءَ سوبمندیں آپریشن ءِ ھاتر ءَ سیکورٹی فورسز ءِ افسر ءُ کارندہ آنی پیشہ وارانہ مہارت ءِ توسیپ کتگ ءُ ڈیرہ اسماعیل ءُ گوریچانی وزیرستان ءَ درئی ناشرکار آنی ھلاپ ءَ آپریشن ءِ ھاتر ءَ سیکورٹی فورسز ءِ افسر ءُ کارندہ آنی پیشہ وارانہ مہارت آناں ساڑاتگ۔ مزن وزیر کارگس ءِ پریس ونگ ءِ نیمگ ءَ شمبے ءِ روچ ءَ جاڑی بوتگیں بیان ءِ تہ ءَ مزن وزیر ءَ لیفٹیننٹ محمد حسن ارشف، نائب صبیدار محمد بلال، سپائی فرحت اللہ ءُ سپائی حمت خان ءَ را یات کت، آہاں آپریشن ءِ وھد ءَ وتی ھاندان ءُ صبر ءِ واستہ بہادری ءَ گوں جنگ ءَ وتی جان ندر کتگ۔ مزن وزیر محمد شہباز شریف ءَ گوشت کہ سرجمیں راج ءَ منی ھواری ءَ مئے شھید ءُ آھانی ھاندان ءِ سر ءَ پھر انت ۔ ناشرکاری ءِ ھلاپ ءَ جنگ داں ھما وھد ءَ برجاہ مان ایت کہ ملک ءَ چہ ناشرکاری سرجمی ءَ ھلاس کنگ مہ بیت۔ مزن وزیر ءَ گوشت کہ ملک ءِ امن ءَ را ھراب کنگ ءِ واستہ ناشرکار آنی نا شریں ارادہ آناں ھچبر سوبمند بوھگ ءِ موہ دیگ نہ بیت مزن وزیر محمد شہباز شریف ءَ گوشت کہ پاکستانی سلاہ بندیں اُرد آنی افسر ءُ مردم شپ ءُ روچ کار کنگ ءَ ھوار اَنت ءُ وتی جان ءِ سلامتی ءِ واستہ پاکستان ءِ جان سلامتی ءِ واستہ کار کنگ ءَ اَنت۔
