اسلام آباد۔15فروری (اے پی پی):وفاقی داخلہ کارانی وزیر محسن نقوی ءَ گوشت کہ ناشرکاری یک میاں اوستمانی جیڈھ ءِ گوں گر ءُ چیل بوھگ ءِ واستہ میاں اوستمانی براتی ءَ را یکجائی ءَ کار کنگ لوٹ ایت ءُ پاکستان ءِ نیام ءَ جوانیں سیادی است انت کہ بازیں دہائی آنی تہ ءَ ھوار انت امریکی کمک پاکستان ءِ ادارگ آنی گنجائش ءَ را گیش کنگ ءَ سک باز ارزشت دار انت۔ جمعہ ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ وفاقی وزیر داخلہ محسن نقوی ءَ گوں امریکی قائم مقام سفیر نیٹلی بیکر ءَ گند ءُ نند کتگ۔ اے موہ ءِ سر ءَ پاکستان ءُ امریکہ ءِ سیادی، وت مہ وتی کمک ءِ جیڈھ آنی سر ءَ گپ ءُ تران کنگ بوت، گند ءُ نند ءَ وزیر تہی کار محسن نقوی ءِ گوستگیں تر ءُ تاب ءِ سر ءَ ھم گپ ءُ تران کنگ بوت۔ ناشرکاری ءِ ھلاپ ءَ یکجائی ایکشن پلان ءِ جوڑ کنگ ءُ دو نیمگی سیادی ءَ را گیش دیم ءَ برگ ءِ سر ءَ برجم دارگ بوتگ۔ محسن نقوی ءَ گیش گوشت کہ ناشرکاری یک میاں اوستمانی جیڑھے، ایشی ءَ گوں گر ءُ چیل بوھگ ءِ واستہ میاں اوستمانی براتی ءَ را یکجاھی ءَ کار کنگی اِنت۔ آئی ءَ گوشت کہ پاکستان ءُ امریکہ ءِ نیام ءَ جوانیں سیادی است انت، کہ بازیں دہائی آنی سر ءَ ھوار انت ءُ پاکستان ءِ کانود نافذ کنوکیں ادارگ آنی گنجائش جوڑ کنگ ءَ امریکی کمک سک باز ارزشتی انت۔ محسن نقوی ءَ اے امیت سہرا کت کہ صدر ڈونلڈ ٹرمپ ءِ دور ءَ پاک امریکہ ءِ سیادی مہکم بنت۔ محسن نقوی ءَ امریکہ ءِ قائم مقام سفیر ءَ را اسلام آباد ءَ جاشن بہاران پروگرام ءَ بہر زورگ ءِ دعوت ھم داتگ۔
