وفاقی داخلہ ءِ وزیر محسن نقوی ءَ بہار ءِ میلہ ءِ بندوبست ءِ سرا چار ءُ تپاسی کتگ ءُ دیوان ءِ سروکی کتگ

اسلام آباد۔14فروری  (اے پی پی): وفاقی تہی کارانی وزیر محسن نقوی ءَ جمعہ ءِ روچ ءَ جاشن بہاران ءِ برجم دارگ ءِ بندوبست آنی سر ءَ چار ءُ تپاسی کت وفاقی تہی کارانی وزیر محسن نقوی ءَ اے موہ ءِ سر ءَ گوشت کہ اولی رند ءَ الس ءِ دلگوشی ءِ واستہ انفرادی پروگرام برجم دارگ بوتگ، روایت ءَ چہ ٹُکّگ بوتگ۔ آئی ءَ گوشت کہ بہارگار ءِ میلہ ءِ مول ءُ مراد پاکستان ءِ دود ءُ ربیدگ آناں دیم ءَ آرگ انت۔ اے درگت ءَ سفارتی براتی ءَ را ھم دعوت دیگ بیت تانکہ آ ملک ءِ دود ءُ ربیدگ ءِ زیبائی ءَ را تجربہ بہ کن اَنت، وھدیکہ پاکستان ءَ کار کنوکیں درملکی کمپنی آنی سی ای اوز آناں ھم ھاسیں رنگ ءَ دعوت دیگ بیت وفاقی تہی کارانی وزیر ءَ بہار ءِ میلہ ءِ درگت ءَ پولیس لائنز ءَ برجم دارگ بوھوکیں شمع ءِ رژنائی ءِ پریڈ ءِ ریہرسل ءِ ھم چار ءُ تپاسی کت۔ ایشی ءَ ابید محسن نکوی ءِ سروکی ءَ جشن بہاران ءِ مراگش آنی ھوالگ ءَ دیوان برجم دارگ بوتگ کہ ایشی ءِ تہ ءَ وفاقی سیکرٹری داخلہ، چیف کمشنر اسلام آباد، آئی جی اسلام آباد پولیس، ڈپٹی کمشنر اسلام آباد ءُ دگہ سیادی داروکیں کارندہ آنی نیمگ ءَ بھر زوری کنگ بوتگ۔ سرجمیں پاکستان ءَ چہ شاہی ءُ نامداریں وردن آنی سٹال جوڑ کنگ بنت جاشن بہاران ءِ ساھت ءَ جتا جتائیں دود ءُ ربیدگی ءُ تامرانی برجم دارگ بیت۔ رینجرز ءِ دستہ مشعل ءِ رژنائی ءَ پریڈ کنت ءُ اسلام آباد پولیس ءِ دستہ ءَ شمع ءِ رژنائی ءَ پریڈ کنت۔ ایشی ءَ ابید پاک فوج ءِ بینڈ وتی دلکشیں تواراں گوں مچی ءَ را گرم کن اَنت۔ یک مزنیں آتش بازی ءِ نمائش ھم مراگش ءِ بھر بیت، کھٹک ءُ کتھک مراگش ءِ تہ ءَ پرفارم کنگ ءَ بنت، دود ءُ ربیدگ ءِ رنگاں شنگ کن اَنت۔ پشلا ءَ جتا جتائیں روایتی ناچ ءِ شو برجم دارگ بنت۔ رینجرز ءِ اُشتر پلٹون ءُ نزارہ بازی ٹینک ھم وتی ازم ءِ درشان ءَ کن اَنت اے مراگش ءَ چہ نہ ایوک ءَ اسلام آباد ءِ شہری آنی واستہ تفریحی موہ رس ایت بلکینگ ءَ پاکستان ءِ جتائیں دود ءُ ربیدگی ورثہ ءَ را ھم پدر کنگ بیت۔