اسلام آباد۔14فروری (اے پی پی): مزن وزیر محمد شہباز شریف ءَ ترکیہ ءِ صدر رجب طیب اردوان ءِ منت گپتگ کہ آئی ءَ الیکٹرک گاڑی ءِ دل ءِ جہلانکی ءَ داتگ آئی ءَ اے گاڑی ترکیہ ءِ صدر ءِ ہمراہی ءَ ڈرائیو کتگ۔ اے موہ ءِ سر ءَ دوئیں راہشونانی نیام ءَ وشیں گپ ءُ تران ھم بوت ءُ ترکیہ ءِ بانُک اول عمران اردگان ءُ پنجاب ءِ سر وزیر مریم نواز ھم گاڑی ءِ تہ ءَ ھمراہ اتنت۔ ترکیہ ءِ صدر رجب طیب اردوان ءَ مزن وزیر محمد شہباز شریف ءَ را ترکیہ ءِ الیکٹرک گاڑی ءِ تحفہ داتگ ءُ اے موہ ءِ سر ءَ تران کنان ءَ مزن وزیر ءَ گوشت کہ پاکستان ءَ وتی گاڑی آناں 2030 ءَ تاں الیکٹرک ٹیکنالوجی ءِ نیمگ ءَ شِفٹ کنگ ءِ سر ءَ جزم اِنت۔ mber ءِ الیکٹرک گاڑی آنی سبب ءَ ملک ءِ پٹرول ءُ دگہ سوخت آنی سر ءَ وابستگی کم بیت۔ مزن وزیر ءَ ترکیہ ءِ آٹوموٹو انڈسٹری ءِ نیمگ ءَ چہ بوتگیں پیشرفت ساڑات ءُ آیوکیں وھد ءَ پاکستانی ءُ ترکیہ ءِ آٹوموٹو کمپنی آنی نیام ءَ کمک ءِ واھشت ءِ درشان کت۔
