اسلام آباد۔13فروری (اے پی پی):پنچ شمبے ءِ روچ ءَ پاکستان ءُ ترکیہ ءِ مزن تک ءِ اسٹریٹجک کمکی کونسل ءِ ھپتمی دیوان ءَ پد یکجائی بیان ءِ جاڑی کنگ بوتگ ایشی ءِ تہ ءَ گوشت بوتگ کہ دوئیں ملک آنی نیام ءَ اسٹریٹجک شریکداری ءَ را گیش مھکم کنگ ءُ جتائیںءُ ادارگ جوڑ کنگ بیت۔ ترکیہ ءُ پاکستان ءِ نیام ءَ سداں سال ءِ گہتریں مذہبی، تہذیبی، دود ءُ ربیدگی، زبانی ءُ راجدپتری سیادی ءُ دوئیں براتیں ملکانی نیام ءَ دو نیمگی سفارتی سیادی ءِ جوڑ کنگ ءِ 77 سالی روچ ءِ منگ ءَ چہ آزمائشی ءُ مثالی برات ءُ مثالی برات ءُ دود ءُ ربیدگ ءِ سبب ءَ آئی ءِ ملک ءُ دوئیں براتیں ملکانی اُلس ءِ نیام ءَ سیادییک مقدسیں امانت یے کہ درستاں چہ رھشونی کنگ بہ بیت ءُ مئے آیوکیں نسلاں سر کنگ بہ بیت۔ یکجائی بیان ءِ رد ءَ دوئیں ملک دفاع، تجارت، سرمایہ کاری، بینکنگ، فنانس، وانگ ءُ زانگ، جان سلامتی، توانائی، دود ءُ ربیدگ، سیلءُ سواد، ٹرانسپورٹ ءُ مواصلات، کشت ءُ کشاری، آپ، سائنس ءُ ٹیکنالوجی ءَ ھوار درستیں شوبگ آنی تہ ءَ استیں دو نیمگی کمک ءَ را گیش مھکم کنگ ءِ واھشت مند اَنت۔ پاکستان ءُ ترکیہ دوئیں ملک آنی نیام ءَ منظم، یکجاھیں،یکجاھیں، اسٹریٹجکءُ سرجمیں رنگ ءَ دو نیمگی کمک ءَ را گیش کنگ ءِ واستہ یک میکانزم ءِ رنگ ءَ مزن تک ءِ اسٹریٹجک کوآپریشن کونسل ءِ مرکزیت ءَ را پدر کن اَنت۔ یکجائی اعلامیہ ءَ امن، ایمنیءُ برجمیں دیمروئی ءِ انوگیں چیلنج آناں مدنظر دارگ ءَ اے درگت ءَ اسٹریٹجک کمک ءَ را گیشءَ چہ گیش گیش کنگ ءِ ھاترا دوئیں نیمگ آنی مھکمیں عزم ءِ پدا پدر کنگ بوتگ کہ ایشی ءِ دمگ ءُ ایشی ءَ چہ دریں دمگ ءَ دور رسیں اثرات است انت۔ آہاں دوئیں ملکانی تہا ناشرکاری اُرشانی درستیں واقعہانی سرا زبردستیں لبزاں مذمت کتگ ءُ اسلاموفوبیا ءِ گیش بوہوکیں لہر ءِ سرا سک باز جیڑہ ءِ درشانی کتگ ءُ سرجمیں دنیا ءِ مسلمانانی سرا ناشرکاری ءُ نسل پرستی ءِ اُرشاں گوں زبردستیں لبزاں مذمت کتگ۔ یکجائی اعلامیہ ءَ ناشرکاری ءِ آفت ءِ ھرچ رنگ ءُ دروشم ءِ ھلاپ ءَ جنگ ءِ ھوار انتہا پسندی ءِ ھترہ ءِ ھلاپ ءَ جنگ ءِ ھاترا وتییکجائی ءِ عزم ءِ پدا پدر کنگ بوتگ ءُ اے درگت ءَ دمگیءُ میاں اوستمانی پلیٹ فارم آنی سر ءَ ھمگرنچیں گامگیج آناں کمک کنگ ءِ ھاترا یکجاھیں عزم ءِ پدر کنگ بوتگ۔ اسلام آباد ءَ برجم داشتگیں مزن تک ءِ اسٹریٹجک کوآپریشن کونسل ءِ 7می دیوان ءِ شریکیں سروک آں ادارگی چارچوب ءُ سیاسی کمک ءُ دو نیمگی ادارگی میکانزم ءِ سر ءَ تپاک کتگ۔ مزن تک ءِ اسٹریٹجک کوآپریشن کونسل یک ھاسیں سیاسی فورم ءِ انت کہ آ درستیں پڑ آنی تہ ءَ دو نیمگی سیادی آناں رہشونی کنت۔ اعلامیہ ءِ رد ءَ ہائی لیول اسٹریٹجک کوآپریشن کونسل ءِ یکجائی کارگس ءَ را چہ اے وھد ءَ پد ’’مشترکہ قائمہ کمیٹی‘‘ گشگ بیت تانکہ آ وتی دائمی دروشم ءَ را جوانیں رنگ ءَ پیش دارگ بہ بنت سئے نوکیں جے ایس سی ہائی لیول اسٹریٹجک کوآپریشن کونسل ءِ میکانزم ءِ چیر دستی ءَ جوڑ کنگ بوتگ انت ءُ جے ایس سی ءِ نیمگ ءَ چہ یک منصوبہ بندی ءِ وسیلگ ءَ تیار کنگ بوتگ۔ ہائی لیول اسٹریٹجک کوآپریشن کونسل ءِ نیمگ ءَ چہ زورگ بوتگیں پیسلہ آنی سر ءَ باقاعدہ رندگیریءُ نگرانی کنگ ءِ واستہ جے ایس سی ءِ نیمگ ءَ چہ وتی عملدرآمد ءِ تہ ءَ ھاسیں پروگرام ءُ منصوبگ آناں دیمروئی دیگ ءِ ھاترا وتی کار ءَ را برجاہ دارگ بیت۔ جے ایس سی انقرہ ءُ اسلام آباد ءَ مزن تک ءِ اسٹریٹجک کوآپریشن کونسل ءِ دیوان ءَ چہ پیسر سال ءَ دو رند ءَ دیوان کن اَنت۔ اے رد ءَ دوئیں نیمگ ءَ وت مہ وتی ءِ ھاتر ءَ دمگیءُ جھان ءِ دیمروئی آنی سر ءَ گپ ءُ تران کنگ بوت۔ نیمگ ءَ پاکستان ءُ بھارت ءِ نیام ءَ جموں ءُ کشمیر ءِ سر ءَ بنیاتی جیڈھ ءَ ھوار سرجمیں بقایا جیڈھ آناں اقوام متحدہ ءِ سلامتی کونسل ءِ ھمگرنچیں قرارداد ءُ کشمیری آنی واھشت آنی رد ءَ گیشءُ گیوار کنگ ءِ ضلورت ءِ سر ءَ زور پر دات۔ اے درگت ءَ پاکستان ءَ ترکیہءِ اصولی موقف ءِ سر ءَ مزنیں ساڑاھگءِ درشان کتگ۔ دوئیںملکاں قبرص ءِ جیڈھ ءِ عادلانہ، دائمیءُ پائیداریں گیواری ءِ ھاتر ءَ کوشست آناں وتی سرجمیںءُ جزمیں حمایت ءِ پدرائی کت۔ پاکستان ءَ قبرص ءِ ترک ءُ ترکیہ ءِ حمایت ءِ یک رندے پدا ترکیہ ءَ اے جیڈھ ءِ سر ءَ پاکستان ءِ اصولی موقف ءِ سر ءَ وتی گہتریں ستا ءِ درشانی کتگ۔ دوئیں ملکاں پرامن ءُ مھکمیں اوگانستان ءِ واستہ وتی حمایت ءِ پدرائی کت۔ آئی ءَ اے گپ ءِ سر ءَ زور پر دات کہ اوگانستان ناشرکاریں گل آنی واستہ ایمنیں پناہ گاہ جوڑ مہ بیتءُ آئی ءَ گوشت کہ عبوری اوگان واکدار ناشرکاری ءِ ھلاپ ءَ گامگیج بہ زور اَنت ایشی ءِ تہ ءَ ٹی ٹی پیءُ داعش ءِ ھلاپ ءَ ھم ھوار اِنت۔ بیان ءِ رد ءَ فریقین ءَ کثیر جہتی ءِ مھکم کنگ ءِ ضلورت ءِ سر ءَ زور پر دات ءُ گوشت کہ اقوام متحدہ ءِ سلامتی کونسل ءِ اصلاحات ءِ عمل ءِ وسیلگ ءَ گیش نمائندہ، جمہوری، شفاف ءُ احتساب جوڑ کنگ ءِ ضلورت اِنت کہ ایشی ءِ بنیات ءَ را گیش ءَ چہ گیش تپاکی ءِ سر ءَ عمل کنگ بہ بیت۔یکجائی بیان ءِ رد ءَ فریقین ءَ اسرائیل ءِ بے رھبندیں زور ءِ کارمرد کنگ ءِ آسر ءَ جانی ءُ مال ءِ مزنیں تاوان ءُ لاکھوں فلسطینی آنی بے لوگ بوھگ ءِ سر ءَ وتی گہتریں جیڈھ ءِ درشانی کتگ آھاں غزہ ءِ جنگ بندی ءَ را وش اتک کتگ ءُ امیت ءِ درشانی کتگ کہ ایشی ءَ چہ دائمی ءُ دائمی جنگ بندی ءِ سبب جوڑ بیت۔ آئی ءَ غزہ ءِ زوتیں نوک جوڑیشت ءِ واستہ یکجاھیں میاں اوستمانی کوشست آنی وسیلگ ءَ انسانی کمک ءِ تہ ءَ گیشی ءِ ضلورت ءِ سر ءَ زور پر دات ایشی ءِ تہ ءَ UNRWA ءِ وسیلگ ءَ درستیں بے لوگ بوتگیں فلسطینی آناں وتی لوگ آنی تہ ءَ واتر کنگ ھوار اِنت۔ آئی ءَ گوشت کہ فلسطینی آناں وتی سرڈگار ءَ چہ آوار جنگ ءُ ناجائزیں آبادی آنی برجاہ دارگ ءِ ھرچ وڑیں کوشست میاں اوستمانی کانود ءِ پدّریں ھلاپ ورزی اِنت۔ فریقین ءَ 1967 ءَ پیسر ءِ سیمسر آنی بنیاد ءَ یک آجو ءُ نزیکیں فلسطینی ریاست ءِ جوڑ کنگ ءِ واستہ یک انصاف ءُ جامع حل ءِ شوہازگ ءِ ضلورت ءِ سر ءَ زور پر دات کہ ایشی ءِ دارالحکومت القدس الشریف بہ بیت۔ دوئیں نیمگاں سلاہانی کنٹرول، بے سلاہ کنگ ءُ سلاہ بند نہ کنگ ءِ ساز ءُ سامان ءُ مول ءُ مراد آنی برجائی ءِ سر ءَ زور پر دات۔ دوئیں نیمگاں جھان ءِ بے سلاہ کنگ ءُ نا شنگ ءُ تالان کنگ ءِ مول ءُ مراد آنی واستہ کار کنگ ءِ ارزشت ءِ سر ءَ زور پر دات۔ ترکیہ ءَ پاکستان ءِ عزم ءَ را ساڑات ۔ ترکیہ اے گپ ءَ من ایت کہ پاکستان ءِ NSG ءِ باسک بوھگ ءِ واھشت ، اے دمگ ءِ تہ ءَ مزنیں تجربگ ءِ واھندیں ملک ءِ بستار ءَ ، جھان ءِ نادراھی ءِ مول ءُ مراد آنی تہ ءَ کمک کنت۔ یکجائی بیان ءِ رد ءَ دوئیں ملک ناشرکاری ءِ حلاف ءَ جنگ ءَ دیم ءَ ھم کمک کن اَنت ۔ دوئیں نیمگاں اے گپ ءِ سر ءَ زور دات کہ ناشرکاری ءَ گوں ھچ وڑیں مذھب، قومیت ءُ تہذیب ءَ ھمگرنچ کنگ مہ بیت۔ او آئی سی ءِ سیادی داروکیں پیسلہ آنی رد ءَ فریق آناں اقوام متحدہ ءِ سلامتی کونسل ءِ پابندیاں ءِ رژیم ءِ دائرہ کار ءَ را گیش کنگ ءِ واستہ یکجائی کوشست کنگ ءِ وتی عزم ءِ پدا زور دات کہ ایشی ءِ تہ ءَ مسلمان ءِ ھلاپیں نسل پرست ءُ انتہا پسندیں گل آنی گوما سیادی داروکیں مردم ءُ ادارگ آناں ھوار کنگ بہ بیت، تانکہ ناشرکاری ءِ اے پیداکیں ھترہ ءِ سر ءَ جوانیں رنگ ءَ پسو دیگ بہ بیت۔ دوئیں نیمگ ءَ پاکستان ءُ ترکیہ ءِ انسداد ناشرکاری ءِ مشاورت ءِ چیر دستی ءَ دو نیمگی کمک ءَ را گیش مھکم کنگ ءِ سر ءَ تپاک کنگ بوتگ ءُ آیوکیں راؤنڈ ءِ مشاورت ءَ را انقرہ ءَ وت مہ وتی ءِ واستہ آسانیں روچ آنی سر ءَ برجم دارگ ءِ سر ءَ تپاک کتگ۔دوئیں ملک دمگی ءُ میاں اوستمانی دیواناں ھاسیں رنگ ءَ اقوام متحدہ، اسلامی کمک ءِ گل، اقتصادی کمک ءِ گل ءُ ڈی 8 ءِ تہ ءَ ھمکاری ءُ ھمگرنچی ءَ برجاہ دار اَنت ءُ ھمے وھد ءَ امن ءُ ایمنی، دیمروئی، سلاہانی کنٹرول، ناشرکاری ءِ ھلاپ ءَ جنگ ءُ موسمیاتی بدلی ءِ پڑ ءَیکجاہ کار کن اَنت۔ دوئیں ملک بے قاعدہ ہجرت ءِ ھلاپ ءَ جنگ ءِ واستہ یکجائی ءَ کار کنگ ءَ برجاہ دار اَنت ءُ اے گپ ءِ سر ءَ تپاک کنگ بوتگ کہ بے قاعدہ ہجرت ءُ انسانی سوداگریءُ مہاجرین ءِ قاچاق ءِ ھلاپ ءَ کمک ءَ را گیش دیمروئی دیگ بہ بیت۔ دوئیں ملک آنی نیام ءَ وتی وتی لیڈ ایجنسی آنی وسیلگ ءَ آفت ءِ گر ءُ دار، ریسکیو ءُ ریلیف آپریشن آنی تہ ءَ کمک ءَ را گیش کنگ ءِ سر ءَ تپاک کنگ بوتگ۔ دوئیں ملک آنی نیام ءَ دیمروئی کمک ءِ رد ءَ ترکیہ ءِ کمک ءُ ھمگرنچی ادارگ ءِ وسیلگ ءَ پاکستان ءَ جتاجتائیں چاگردیءُ مادی بنیاتی ڈھانچہ ءُ دود ءُ ربیدگ ءِ منصوبگ آنی سر ءَ عمل کنگ ءَ را برجاہ دارگ ءِ سر ءَ تپاک کنگ بوتگ۔ دفاعیءُ سیکورٹی ءِ شوبگ آنی تہ ءَ کمک ءَ را گیش وسعت دیگءُیکجائی پٹ ءُ پول ءُ دیمروئی ءِ امکانات آناں دیمروئی دیگ ءِ سر ءَ تپاک کنگ بوتگ، ایشی ءَ ابیدخلائیءُ دفاعی صنعت ءِ شوبگ آنی تہ ءَ یکجائی پٹ ءُ پول ءُ دیمروئی ءِ واستہ یکجائی ءَ کار کنگ ءِ واستہ بیان ءِ رد ءَ پاکستانی پروسیس ءِ بھر ءُ بانگ ءَ را وش آتک کنگ بوتگ۔ دوئیں ملک آنی نیام ءَ استیں دو نیمگی تجارت ءُ سرمایہ کاری ءِ سر ءَ چار ءُ تپاسیکنگ بوت ءُ اے درگت ءَ بے کاریں مزنیں توانائی آناں متحرک کنگ ءِ واستہ اقتصادی سیادی آنی تک ءَ را گیش کنگ ءِ سر ءَ تپاک کنگ بوت۔ دوئیں معیشت 5ارب ڈالر ءِ تجارتی حجم ءِ ٹارگٹ ءِ ھاترا ترجیحی شعبہ آنی سر ءَ دلگوشی دنت۔ اے درگت ءَ فریق تجارتی میلے، نمائش، ءُوھد وھد ءِ سر ءَ کاروباری فورم آنی تہ ءَ بھر زوری ءِ حمایت ءَ برجاہ دار اَنت کہ ایشی ءِ تہ ءَ صنعت ءِ انجمن، چیمبر آف کامرس ءُ نجی شعبہ ءِ اسٹیک ہولڈر ھوار اَنت۔ یکجائی بیان ءِ رد ءَ اسلام آباد تہران استنبول ٹرینءُ روڈ راہداری سرجمی ءَ کار بندات کنت ایشی ءَ چہ دوئیں ملک آنی نیام ءَ دو نیمگی کمک ءُ تجارتی چست ءُ ایر آناں گیش دیمروئی رسیت۔ یکجائی منصوبگ، کاروباری کمک، دو نیمگی سرمایہ کاری، کانفرنس آنی وسیلگ ءَ جان سلامتیءُ دواسازی ءِ شوبگ ءَ کمک ءَ را گیش کنگ ءِ واستہ یکجاہ کار کنگ۔ دوئیں ملک ڈاکٹر، نرس، جان سلامتی ءِ منتظمینءُ ہمگرنچیں جان سلامتی ءِ پیشہ ور آنی واستہ پیشہ وارانہ جان سلامتی ءِ پروگرام ءِ بندوبست کن انت۔ دوئیں نیمگاں اے گپ ءِ سر ءَ تپاک کت کہ دوئیں ملک آنی نیام ءَ مردم آنی نیام ءَ مردم آنی رابطہ آناں گیش کنگ ءِ راہ ءَ را آسان کنگ بیت وھدیکہ مزن تک ءِ اسٹریٹجک کوآپریشن کونسل ءِ آیوکیں دیوان انقرہ ءَ برجم دارگ بیت ایشی ءِ واستہ سفارتی چینل آنی وسیلگ ءَ تاریخ آنی سر ءَ تپاک کنگ بیت۔
