اسلام آباد۔13فروری (اے پی پی):ترکی ءِ ملک مستر رجب طیب اردوان ءَ را مزن وزیر گس ءَ سر بوھگ ءِ وھد ءَ گارڈ آف آنر پیش کنگ بیت آ مزن وزیر گس ءِپیژگاہءَ یکنہالے ہم ِ کِشگ بیت۔ پاک فضائیہ ءِ پائلٹ فلائی پاسٹ کن اَنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ترکی ءِ صدر ءِ مزن وزیر گس ءَ سر بوھگ ءَ گوں آئی ءَ را وش اتک کنت۔ ترکی ءِ صدر ءَ پاک سلاہ بندیں اُرد ءِ دستہ ءِ نیمگ ءَ گارڈ آف آنر پیش کنگ بیت۔ ترکی ءِ صدر مزن وزیر گس ءِ پیژگاہءَ یک پودے ءِ کشت ءُ کشار کنت۔ پاک فضائیہ ءِ پائلٹ ترکی ءِ صدر ءِ شرپ ءَ فلائی پاسٹ کن اَنت ایشی ءَ پد ترکی ءِ صدر ءُ پاکستان ءِ مزن وزیر ءِ نیام ءَ دو نیمگی گند ءُ نند بیت ایشی ءَ پد دوئیں سروک ہائی لیول اسٹریٹجک کوآپریشن کونسل ءِ دیوان ءَ وتی وتی ڈل آنی سروکی ءَ کن اَنت۔
