کوئٹہ۔ 13 فروری (اے پی پی): بلوچستان ءِ سروزیر میر سرفراز بگٹی ءَ گشتگ کہ بلوچستان ءِ نودربر ءُ روزگار کنوکیں زالبولاناں جدید سفری آسراتی سر کنگءِ ھاترءَ سکوٹیز دیما آرگ بوھگءَ ایں کہ آئیءِ ردءَ جنک نودربرآناں شکر رنگیں سکوٹی ءُ بچک نودربرآناں الیکٹرانک بائیک دئیگ بنت، اے سکیم ءَ چہ لھس مردماناں فائدگ سر بیت، سکیم ءِ مولءُ مراد ورناہ ءُ زالبولاناں وت واک جوڑ کنگءُ آیانی سفری جیڑہ ءُ جنجالاناں گیشءُ گیوار کنگ ایں۔اے ھیالانی درشانی آئیءَ چیف منسٹر سیکرٹریٹ ءَ مزن تک ءِ دیوان ءِ سروکی کنانءَ کتگ کہ آئی ءِ ردا سکیم ءِ بازیں تکءُ پھناتانی چارءُ تپاسی کنگ بوتگ۔ دیوان ءَ پیسلہ کنگ بوت کہ اے اسکیم ءَ را اثر مند ءُ ساپ ءُ صلاہ جوڑ کنگ ءِ ھاتر ءَ بلوچستان ءِ سیکرٹری سیکرٹری ءِ سروکی ءَ یک ھاسیں کمیٹی ءِ جوڑ کنگ بیت کہ ایشی ءِ تہ ءَ سکوٹر بائیک آنی پھجارینگ ءِ کارروائی ءِ جار جنگ بیت۔ بینک ءِ مالی کمک ءِ آسراتی ھم اسٹیٹ بینک ءِ مشورہ کمک ءَ چہ پجارینگ بیت تانکہ اے اسکیم ءَ را زندگ پائیدار جوڑ کنگ بہ بیت آئی ءَ ہدایت کت کہ اے اسکیم ءَ را ایوک ءَ نودربر آنی تہ ءَ محدود کنگ مہ بیت بلکیں ایشی ءَ را آسانیں شرت آنی سر ءَ عام مردم آنی واستہ ھم پچ کنگ بہ بیت تانکہ صوبہ ءِ گیش ءَ چہ گیش مردم اے نوکیں سفری آسراتی ءَ چہ فائدہ چست بہ کن اَنت۔ زالبولانی میاں اوستمانی روچ ءِ موہ ءَ گوشت کہ آ صوبگ ءِ زالبول آناں آزات بااختیار گندگ لوٹ ایت اے گامگیج آوانی آجوئی وت واجھی ءِ نیمگ ءَ جوانیں گامگیج اِنت دیوان ءَ بھر زوروکیں حکام ءَ بنجاھی وزیر ءِ گامگیج ءِ ساڑات وتی جزم ءِ درشان کت کہ اے اسکیم۔ ءِ سرا زوتاں چہ زوت عمل کنگ بیت دانکہ بلوچستان ءِ ورنا ءُ زالبولاں تر ءُ تاب ءِ گہتریں آسراتی بہ رسیت۔
