ترکیہ  ءِ مزنیں تک ءِ ڈل ءَ بنجاھی  وزیر خزانہ سینیٹر محمد اورنگزیب ءَ گوں گند ءُ نند

اسلام آباد۔12فروری  (اے پی پی): ترکیہ  ءِ مزنیں تک ءِ کارندہ ءَ گوں بنجاھی  وزیر مالیات ءُ آمدنی ءِ سینیٹر محمد اورنگزیب ءَ گند ءُ نند کتگ۔ ڈل ءِ سروکی انادولو گروپ ءِ کارپوریٹ امور، کمیونیکیشن ءُ پائیداری ءِ صدر اتیلا یرلیکایا ءَ کتگ۔ اے موہ ءِ سر ءَ کوکا کولا ایشیا پیسفک ءِ چیف آپریٹنگ آفیسر احمد کورشاد ایرتان ءُ کوکا کولا ایشیا پیسفک پاکستان ءِ جنرل منیجر ثنائے سانلی ھم ھوار بوتگ اَنت۔ ڈل ءَ پاکستانی مارکیٹ ءِ واستہ وتی دراجیں مدتی عزم ءِ درشانی کت ءُ ملک ءِ اقتصادی توانائی ءِ سر ءَ وتی دل یکیمی ءِ درشان کت ترک ڈل ءَ پاکستان ءِ اقتصادی اشارہ آنی تہ ءَ انوگیں گہتری ءِ ساڑات ءُ حکومت ءِ گامگیج آناں توسیپ کت کہ ایشی ءِ تہ ءَ اقتصادی استحکام ءُ سرمایہ کار آنی واستہ سازگاریں چاگرد ءِ جوڑ کنگ بیت۔ پاکستان ءِ معیشت، صنعتی دیمروئی ءُ روزگار ءِ موہ آنی تہ ءَ ترکیہ  ءِ کمپنی آنی ھاسیں رنگ ءَ کوکا کولا ایشیائی ءِ ھاسیں کرد ءِ درشان کنگ بوتگ۔ آئی ءَ ڈل ءَ را دل یکیمی دات کہ حکومت درملکی تجارت ءُ سرمایہ کاری ءَ را گیش دیمروئی دیگ ءِ واستہ دراجیں مدتی پالیسی فریم ورک ءُ پالیسی استحکام ءَ را دل یکیمی کنگ ءِ واستہ جزم انت۔ سرمایہ کاری ءُ تجارتی شراکت داری ءِ برجاہ دارگ ءَ انت۔