بنجاھی وزیر سینیٹر اعظم نظیر ترار ءَ گوشت کہ این ڈی ایم اے سیٹلائٹ موسم ءِ پیش گوئی ءِ نظام ءَ گوں بندوک اِنت ءُ قدرتی آفت آنی تہ ءَ صوبائی ریسکیو ایجنسی ءُ انتظامیہ ءِ گوما جوانیں رنگ ءَ کار کنگ ءَ اِنت

اسلام آباد۔12فروری  (اے پی پی):بنجاھی وزیر برائے کانود ءُ انصاف سینیٹر اعظم ناظیر ترار ءَ گشتگ کہ این ڈی ایم اے قدرتی آفتانی تہا صوبائی ریسکیو ایجنسی ءُ انتظامیہ ءِ گوما کمک ءَ جوانیں رنگ ءَ کار کنگ ءَ انت این ڈی ایم اے ءِ سیٹلائٹ موسم ءِ پیش گوئی ءِ نظام ءَ گوں ہمگرنچ انت۔ چار شمبے ءِ روچ ءَ راجی اسمبلی ءَ آئن گھنٹہ ءِ جار جنگ بوتگ۔ اسمبلی ءِ عزت مندیں باسک ءِ جست ءِ پسو ءَ بنجاھی وزیر ءَ گوشت کہ این ڈی ایم اے ءَ قدرتی آفت آنی تہ ءَ بازیں عملی کار کتگ اے این ڈی ایم اے ءِ کار اِنت کہ آ بنجاہی انتظامیہ ءَ را فعال بہ کنت ءُ الس ءِ تہ ءَ سرپدی پیداک بہ کنت۔ آئی ءَ گوشت کہ قدرتی آفت اللہ تعالیٰ ءِ سبب ءَ بنت، ءُ انسانی کوشست برجاہ انت اگاں ما امریکہ ءَ انوگیں آتشزدگی ءِ وئیل ءَ بچاریں گڑا بازیں وسیلگ ءِ ھست بوھگ ءِ باوجود لاس اینجلس ءَ را تباہی ءَ چہ رکّینت نہ کتگ۔ آئی ءَ گوشت کہ گوستگیں وھد ءَ پاکستان ءَ آتشزدگی، سیلاب، ءُ جمبر ءِ ٹکر ءِ وئیل بوتگ اَنت اے گپ ءَ را ھیال ءَ دارگ ءَ این ڈی ایم اے ءَ یک مرکزی کنٹرول روم ءِ جوڑ کتگ کہ اودا دریائی دمگ، میدانی دمگ ءُ فصل آنی ھوالگ ءَ الرٹ دیگ بوھگ ءَ اِنت۔ آئی ءَ گوشت کہ این ڈی ایم اے ءِ کارکردگی سک شر اِنت، ءُ ایشی ءَ را گیش گہتر کنگ ءِ واستہ بجٹ ءُ پیشہ وارانہ تربیت ءَ را گہتر کنگ بوتگ۔ آئی ءَ گوشت کہ این ڈی ایم اے سیٹلائٹ موسم ءِ پیش گوئی ءِ نظام ءَ گوں ھمگرنچ اِنت ءُ وھد ءِ سر ءَ ایمنی ءِ گامگیج کنگ ءُ دمگ آناں یلہ کنگ ءَ اِنت۔ من NDMA ءِ پیش گوئی ءَ دیست کہ یک خاصیں دمگے ءَ ابر ءِ ٹکر ءُ بجلی ءِ گپ بوتگ۔ ڈاکٹر نفیسہ شاہ ءَ یک تکمیلی جست ءِ تہا جست کت کہ فیڈرل فلڈ کمیشن ایوکیں ادارگ انت کہ 2021 ءِ سیلاب ءَ سندھ ءَ را متاثر کتگ، ءُ فیڈرل فلڈ کمیشن انگت ءَ ایر کنگ نہ بوتگ۔ بنجاھی وزیر ءَ گوشت کہ بنجاھی سیلاب کمیشن ءِ سروک ءِ اگدہ انگت ءَ ھالیگ اِنت تعیناتی ءِ ھوالگ ءَ من شمارا دل یکیمی کن آں کہ من اے جیڈھ ءَ را سیادی داروکیں واکدار آناں سر کن آں ۔ سردار یوسف ءَ یک ضمنی جُستے ءَ جُست کُت کہ ایرا ءَ را این ڈی ایم اے ءَ ھوار کنگ بوتگ، بازیں منصوبگ دیم ءَ روگ ءَ اَنت کہ سرجم کنگ نہ بوتگ اَنت، اے گپ گْوشگ بہ بیت کہ آ منصوبگ این ڈی ایم اے ءِ نیمگ ءَ سرجم کنگ بنت یا دگہ ھچ اتھارٹی ءِ نیمگ ءَ۔ بنجاھی وزیر ءَ گوشت کہ وھدے یک ادارگ ءِ گوما دگہ ادارگ ءِ گوما یکجا بیت گڈا آ وتی درستیں کار آنی گوما یکجا بیت نوکیں ادارگ ءِ سر ءَ ایشانی سر ءَ عمل کنگ ءِ ذمہ واری انت۔ ڈاکٹر سوبیا ءَ یک تکمیلی جُستے ءَ جُست کُت کہ این ڈی ایم اے ءَ 235 تربیتی کورس کتگ اَنت، ءُ 9000 سرکاری کارندہ کورسانی تہ ءَ تربیت دیگ بوتگ اَنت۔ وزیر ءِ کانود ءَ گوشت کہ این ڈی ایم ءِ کارندہ ضلعی واکدار، ضلعی انتظامیہ، ریسکیو کارندہ ءُ ایندگر سیادی داروکیں ادارگ آنی کمک ءَ تربیتی کورس کن اَنت۔ این ڈی ایم اے یک انچیں پلیٹ فارمے کہ راجی تک ءَ قدرتی آفت ءُ سانحہ آں گوں دیم پہ دیم انت۔