اسلام آباد۔12فروری (اے پی پی): مزن وزیر محمد شہباز شریف ءُ آئی ایم ایف ءِ منیجنگ ڈائریکٹر کرسٹالینا جورجیوا ءَ پاکستان ءِ واستہ آئی ایم ایف ءِ پروگرام ءِ وسیلگ ءَ حاصل بوتگیں میکرو اکنامک استحکام ءُ حکومتی اصلاحات ءِ سر ءَ گپ ءُ تران کتگ وھدیکہ آئی ایم ایف ءِ منیجنگ ڈائریکٹر ءَ آئی ایم ایف ءِ حکومت ءِ ایکونامی مزن وزیر کارگس ءِ میڈیا ونگ ءِ نیمگ ءَ چار شمبے ءِ روچ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ آئی ایم ایف ءِ منیجنگ ڈائریکٹر کرسٹالینا جورجیوا ءَ دبئی ءَ جھان ءِ حکومتانی سروک دیوان 2025 ءِ ساھت ءَ گند ءُ نند کتگ۔ گند ءُ نند ءَ پاکستان ءِ برجاھیں آئی ایم ایف پروگرام ءُ حکومتی اصلاحات ءِ وسیلگ ءَ حاصل بوتگیں میکرو اکنامک استحکام ءِ سر ءَ ھیال ریچی کنگ بوت۔ گپ ءُ تران ءِ تہ ءَ ادارگی اصلاحات ءِ سر ءَ عمل کنگ ءُ مالیاتی ڈسپلن ءِ برجائی ءِ واستہ پاکستان ءِ جزم ءِ سر ءَ زور پر دات کہ اے پاکستان ءِ اقتصادی برجائی ءِ بحالی ءُ ملک ءِ برجائی دیمروئی ءُ آیوکیں وھد ءَ را دل یکیمی کنگ ءِ واستہ کلیدی اَنت۔ مزن وزیر شہباز شریف ءَ آئی ایم ایف ءِ توسیپی فنڈ آسراتی ءِ چیر دستی ءَ بوتگیں پیشرفت ءِ ارزشت ءِ سر ءَ زور پر دات کہ ایشی ءَ پاکستان ءِ معیشت ءَ را استحکام دیگ ءُ دراجیں مدت ءِ بحالی ءِ راہ ءَ ایر کنگ ءَ کلیدی کرد پیلو کتگ۔ مزن وزیر شہباز شریف ءَ حکومت ءِ اصلاحات ءِ رفتار ءَ را برجاہ دارگ ءِ عزم ءِ یک رندے پدر کت، ھاسیں رنگ ءَ ٹیکس اصلاحات، توانائی ءِ شوبگ ءِ کارکردگی ءَ را گہتر کنگ ءُ نجی شوبگ ءِ دیمروئی ءِ وڑیں کلیدی شوبگ آنی تہ ءَ پیشرفت۔ آئی ءَ منیجنگ ڈائریکٹر کرسٹالینا جورجیوا ءَ را پاکستان ءِ اقتصادی استحکام ءِ حکمت عملی، موثر کارکردگی، ءُ منصوبگ بندی ءِ برجائی ءِ سر ءَ حکومت ءِ عزم ءِ دل یکیمی دات کہ اے پاکستان ءَ ھواریں ءُ پائیدار دیمروئی ءِ ھاترا کلیدی جز اَنت۔ کرسٹالینا جورجیوا ءَ آئی ایم ایف ءِ کمک ءَ چہ پروگرام ءِ جوانیں رنگ ءَ سرجم کنگ ءِ واستہ پاکستان حکومت ءِ کوشست آناں ساڑات کنان ءَ گوشت کہ پاکستان ءَ افراط زر ءِ تہ ءَ کمی ءِ گوما ملک ءِ معیشت جوانیں کارکردگی پیش دارگ ءَ انت پرچا کہ آ استحکام ءَ پد دیمروئی ءِ راہ ءَ رھادگ بوھگ ءَ انت۔ آئی ءَ اے گپ ھم من اِت کہ پاکستان اقتصادی برجائی ءِ پد ءَ دیمروئی ءِ راہ ءَ اِنت۔ آئی ایم ایف ءِ منیجنگ ڈائریکٹر ءَ ملک ءِ اصلاحات ءِ ایجنڈا ءِ سر ءَ عمل کنگ ءِ واستہ مزن وزیر شہباز شریف ءِ سروکی ءُ ذاتی عزم ءِ ھم توسیپ کت کہ ایشی ءَ پاکستان ءِ اقتصادی استحکام ءُ دیمروئی ءِ ھاترا مزنیں کرد پیلو کتگ۔ آئی ایم ایف ءِ منیجنگ ڈائریکٹر ءَ پاکستان ءِ اصلاحات ءِ ایجنڈا ءِ حمایت کنگ ءِ آئی ایم ایف ءِ عزم ءِ پدا زور دات ءُ مالیاتی نظم و ضبط ءِ برجاہ دارگ، ادارہ جاتی اصلاحات ءُ دراجیں مدتی اقتصادی استحکام ءَ را دل یکیمی کنگ ءِ ھاتر ءَ موثر حکومت داری ءِ سرا زور پر دات۔
