اسلام آباد۔ 12 فروری (اے پی پی) جہانی مالیاتی فنڈ (آئی ایم ایف) نا منیجنگ ڈائریکٹر کرسٹالینا جارجیواپارینے کہ وزیراعظم محمد شہباز شریف نا کماشی ٹی پاکستان نا ٹیم اتون اونا جوان و فائدہ ئی گپ وتران مسنے۔ چارشنبے نادے آ راجی رابطہ نا ویب سائٹ ’’ایکس‘‘ آ تینا کلہو اٹی اوپارےکہ وزیراعظم شہباز شریف و اونا ٹیم اتون اونا جوان اوڑدہی مس۔ اوپارے کہ آئی ایم ایف نا کمک اٹ اصلاحات نا پروگرام نا بابت پاکستان نا عزم آن اودے خوشی مسنے۔ اوپارے کہ اصلاحات نا بابت پاکستان نا گام گیج آتیٹی شرح نمو و ورناآبادی ءِ روزگارنا فراوانی نا وارخواہی تیٹی نمان ودکی ناکسر آوارمریک۔
