اسلام آباد۔ 12 فروری(اے پی پی) بنجائی وزیر واپار جام کمال خان بیلاروس نا سرکاری دورہ ٹی بیلاز فیکٹری نا دورہ ءِ کرے و صنعتی شریداری نا وارخواہی تا بارواٹی گپ وتران کرے۔ چارشنبے نادے آ وزارت نا جاری اعلامیہ نا رداٹ جام کمال خان بیلاز فیکٹری ٹی بھلو کانڑکنی و تعمیراتی مشینری نا تیاری نا پوسکن آ عمل نا مشاہدہ ءِ کرے۔ اوفیکٹری ٹی صنعتی شریداری نا وارخواہی …
وزیرواپار جام کمال خان نا دورہ بیلاز فیکٹری، صنعتی شریداری نا وارخواہی تا بارواٹی گپ وتران
گیشتریں ھال
اسلام آباد۔ 12 فروری(اے پی پی) بنجائی وزیر واپار جام کمال خان بیلاروس نا سرکاری دورہ ٹی بیلاز فیکٹری نا دورہ ءِ کرے و صنعتی شریداری نا وارخواہی تا بارواٹی گپ وتران کرے۔ چارشنبے نادے آ وزارت نا جاری اعلامیہ نا رداٹ جام کمال خان بیلاز فیکٹری ٹی بھلو کانڑکنی و تعمیراتی مشینری نا تیاری نا پوسکن آ عمل نا مشاہدہ ءِ کرے۔ اوفیکٹری ٹی صنعتی شریداری نا وارخواہی تیا گپ وتران کرے و پاکستان و بیلاروس نا نیام اٹ کانڑ کنی و بنداوی پنجر نا شونداری ٹی کمکاری آ گپ وتران کرے۔ جام کمال خان پارے کہ پوسکن آ ٹیکنالوجی نا ہل و تس صںعتی شونداری کن المی ءِ، پاکستان و بیلاروس نا نیام اٹ واپار و زرکاری نا پوسکن آ وارخواہی ودی کننگک۔ داوخت آ ہڑتوم آملک آتا نیام اٹ اسیجائی ڈٹ و تکنیکی کمکاری نا مون آدننگ آ ہم امنا وتین پہ تینی صنعتی جدیدیت نا مون آدننگ کن مریس مدی شریداری نا بارواٹی گپ وتران کننگا۔
