اے این ایف نا کارروائی، 2 دوبہ دار دزگیر

راولپنڈی۔ 12 فروری (اے پی پی) اینٹی نارکوٹکس فورس (اے این ایف) تعلیمی ادارہ و ملک انا چندی شار تیٹی منشیات اسمگلنگ نا برخلاف برجا کریک ڈاؤن اٹی 3کارروائی تیٹی 2 دوبہ دار آتے دزگیرکرے۔ اے این ایف ہیڈ کوارٹرراولپنڈی آن جاری سرجم حوال آتا رداٹ تازہ کارروائی تیٹی 27 لکھ روپئی آن زیات مالیت نا 26.574 کلوگرام منشیات دوئی کننگا۔ اٹک اٹی تین میلا چوک نا خڑک دوبہ دار نا کوزہ غان 174 گرام چرس دوئی کننگا۔ ترجمان پارے کہ دزگیر دوبہ دار طالب علم آتے منشیات بہا کننگ نا اعتراف ہم کرینے۔ کراچی ٹی کوریئر آفس نا کمک اٹ نیوزی لینڈ مون تروک آ پارسل آن 2.4 کلوگرام آئس دوئی کننگا۔ بلوچستان اٹی پشین نا علاقہ ٹی ہوٹل نا خڑک رکشہ ٹی اودیم کروک 24 کلوگرام چرس دوئی کرسا اوغان باتی تے دزگیرکننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔