آئی ایم ایف نا ٹیم اتون تعمیری و فائدہ ئی گپ وتران مس، جوان ءُ ردعمل اس ملانے، وزیرخزانہ محمد اورنگزیب

اسلام آباد۔ 12 فروری (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ آئی ایم ایف نا ایگزیکٹیو ڈائریکٹر کرسٹیا جارجیواوزیراعظم محمد شہباز شریف نا کماشی ٹی اصلاحات آ تالان پروگرام نا بابت پاکستان نا عزم و ارادہ نا ستاءِ کرینے ، انشورنس نا بشخ اہمیت تخک، حکومت انشورنس نا صنعت نا رواخواست و ویل آتے ایسر کننگ کن سنبرینگوک ءِ۔ چارشنبے نادے آ سیکورٹیز اینڈ ایکسچینج کمیشن آف پاکستان نا کنڈآن کانفرنس آن تران کرسا وزیرخزانہ پارے کہ دبئی ٹی وزیراعظم نا آئی ایم ایف نا ٹیم اتون تعمیری و فائدہ ئی گپ وتران مسنے، آئی ایم ایف نا کنڈآن ننے جوان ءُ ردعمل اس ملانے۔ ملک اٹی آجوزرگزران سوگو مسنے، آئی ایم ایف نا ایگزیکٹیو ڈائرکٹر کرسٹالینا جارجیوا وزیراعظم محمد شہباز شریف نا کماشی ٹی اصلاحات آ تالان پروگرام نا بابت پاکستان نا عزم و ارادہ نا ستاءِ کرینے۔ وزیرخزانہ پارے کہ ٹیکسیشن ، توانائی، ایس اوایز، پنشن و سرکاری خڑچ آتا بابت پنجرجاتی اصلاحات آ عملدرآمد مننگ ءِ۔ وزیرخزانہ پارے کہ انشورنس بشخ انا بابت سیکورٹیز اینڈ ایکسچینج کمیشن ہراگام گیج آتا بناءِ کرینے او سفت نا قابل و اہمیت تخرہ، دا غٹ شریدار آتیا تالان سلابتی حکمت عملی ءِ، حکومت تون دا بابت ہچ ءُ گنجائشت و کچ اس مفک۔ وزیرخزانہ پارے کہ انشورنس نا بشخ بھاز اہمیت تخک ، انشورڈ پاکستان نا کنڈآہِننگ کن ننے گچین ، ترند تر و اڑزان وڑوڈول ءِ تیان کروئی مریک، دُن تو انشورنس نا گڑاس بشخ دن کہ کشت وکشار اٹی جدت بسنے ولے گڑاس بشخ ہندن ءُ ہراڑے کچ آن کم پیش رفت مس، داہیت ستاکڑزک کہ دابابت شریدار آتا کنڈآن گام گیج کننگ انگ ءِ۔