دبئی۔11فروری (اے پی پی): مزن وزیر محمد شہباز شریف ءُ سری لنکا ءِ صدر انورا کمارا ڈسانائیکے ءَ دو نیمگی سیادی ءِ ھاسیں تک ءُ پہنات آنی سر ءَ گپ ءُ تران کت، ھاسیں رنگ ءَ تجارت، دفاع ءُ ایمنی، وانگ ءُ زانگ، مذہبی کار ءُ کھیڈ آنی پڑ ءَ کمک ءِ سر ءَ گپ ءُ تران کت۔ تعاون ءِ رد ءَ سئے شمبے ءِ روچ ءَ مزن وزیر …
مزن وزیر شہباز شریف ءَ سری لنکا ءِ صدر انورا کمارا دیسانایکے ءَ گوں گند ءُ نند کتگ ایشی ءِ تہ ءَ جتاجتائیں شوبگ آنی تہ ءَ کمک ءَ ھوار دو نیمگی سیادی ءِ ھاسیں پڑ آنی سر ءَ ھیال ءُ لیکہ درشان
گیشتریں ھال
دبئی۔11فروری (اے پی پی): مزن وزیر محمد شہباز شریف ءُ سری لنکا ءِ صدر انورا کمارا ڈسانائیکے ءَ دو نیمگی سیادی ءِ ھاسیں تک ءُ پہنات آنی سر ءَ گپ ءُ تران کت، ھاسیں رنگ ءَ تجارت، دفاع ءُ ایمنی، وانگ ءُ زانگ، مذہبی کار ءُ کھیڈ آنی پڑ ءَ کمک ءِ سر ءَ گپ ءُ تران کت۔ تعاون ءِ رد ءَ سئے شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ سری لنکا ءِ صدر انورا کمارا دیسانایکے ءِ نیام ءَ گند ءُ نند بوتگ۔ اے گند ءُ نند جھان ءِ حکومتی سروک دیوان ءِ ساھت ءَ بوت۔ اے دوئیں رہشون آنی نیام ءَ اولی گند ءُ نند بوتگ پاکستان ءُ سری لنکا ءِ نیام ءَ استیں دو نیمگی سیادی آناں گیش مھکم کنگ ءِ سر ءَ تپاک کتگ دوئیں رہشون آنی نیام ءَ دو نیمگی سیادی ءِ ھاسیں رنگ ءَ سیل ءُ سواد ءِ شوبگ آنی تہ ءَ کمک ءِ سر ءَ ھیال ریچی کتگ۔ ایشاں مزن تک ءِ تبادلہ ءَ را گیش کنگ ءُ جوانیں کمک ءِ واستہ نوکیں موہ آنی شوھازگ ءِ سر ءَ ھم تپاک کت سری لنکا ءِ صدر ءَ دوئیں براتیں ملک آنی نیام ءَ دلپھکی ءُ مھکمیں سیادی آناں ساڑات۔ آئی ءَ 1996 ءَ لاہور ءَ بوتگیں کرکٹ ورلڈ کپ ءِ فائنل ءِ وتی وشیں یات ھم یات کتگ اَنت۔ گند ءُ نند ءِ تہ سارک ءَ را گیش متحرک کنگ ءِ مول ءُ مراد ءَ دمگی ءُ کثیر نیمگی جیڈھ آنی سر ءَ ھم گپ ءُ تران کنگ بوت۔
