مزن وزیر محمد شہباز شریف ءُ امارات ءِ صدر محمد بن زاید النہیان ءَ گوں گند ءُ نند کت، دو نیمگی کمک ءَ را دیمروئی دیگ ءِ ھوالگ ءَ ھیال ءُ لیکہ ءِ درشان کت

ابو ظہبی۔11فروری  (اے پی پی): ابوظہبی، مزن وزیر محمد شہباز شریف ءُ امارات ءِ صدر محمد بن زاید النہیان ءَ معیشت، تجارت ءُ سرمایہ کاری ءَ ھوار جتا جتائیں شوبگ آنی تہ ءَ کمک ءُ دو نیمگی سیادی آنی دیمروئی ءِ ھوالگ ءَ ھیال ءُ لیکہ آنی تبادلہ کت۔ د شہباز شریف ءَ ابوظہبی ءَ امارات ءِ صدر محمد بن زاید النہیان ءَ گوں گند ءُ نند ءِ ھاتر ءَ الشاتی محل ءَ سر بوھگ ءَ پد آئی ءَ را امارات ءِ صدر شیخ محمد بن زاید النہیان ءَ وش اتک کت۔ گند ءُ نند ءِ ساھت ءَ مزن وزیر شہباز شریف ءُ متحدہ عرب امارات ءِ صدر ءَ پاک امارات ءِ وت مہ وتی کمک ءَ را گیش دیمروئی دیگ ءِ جزم ءِ درشان کت ءُ وت مہ وتی مفاد آنی دیمروئی ءُ سیادی آناں مھکم کنگ ءِ واستہ روڈ میپ ءِ سر ءَ تران کت ءُ دو ملک آنی نیام ءَ استیں کمک ءُ کمک ءِ سر ءَ تران کت۔ اقتصادی دیمروئی ءُ وشھالی ءِ ھاتر ءَ جہانی حکومتی سروک دیوان ءِ ارزشت ءِ سر ءَ ھم ھیال ءُ لیکہ آنی تبادلہ کنگ بیت ءُ سرکاری ادارگ آناں جہانی بدلی آنی چیلنج آنی گیواری ءِ واستہ کارروائی ءِ لائکیں حکمت عملی ءِ سر ءَ عمل کنگ بیت۔ دوئیں رہشوناں میاں اوستمانی تک ءَ برجاھیں دیمروئی آنی سر ءَ دلگوشی دیگ ءَ وت مہ وتی دلچسپی ءِ بازیں دمگی ءُ میاں اوستمانی جیڈھ آنی سر ءَ ھم تران کت۔ آہاں دمگی ایمنی، استحکام ءُ امن ءِ برجائی ءِ ھاتر ءَ دو ریاستی حل ءِ بنیاد ءَ یک جامع ءُ دائمی امن ءِ ھاتر ءَ میاں اوستمانی کوشست آنی تہ ءَ ترند کنگ ءِ ضلورت ءِ سر ءَ زور پر دات۔