مزن وزیر شہباز شریف ءُ بوسنیا ءُ ہرزیگووینا ءِ صدارت ءِ چیئرپرسن ءَ گند ءُ نند کتگ ءُ جتا جتائیں پڑاں دو نیمگی سیادی ءَ را گیش دیمروئی دیگ ءِ سرا تپاک کتگ

دبئی۔11فروری  (اے پی پی): مزن وزیر محمد شہباز شریف ءُ بوسنیا ءُ ہرزیگووینا ءِ صدارت ءِ چیئرمین زلجکاسیویجانووچ ءَ دوئیں ملک آنی نیام ءَ رابطہ آناں گیش کنگ ءِ سر ءَ تپاک کتگ تانکہ تجارت ءُ سرمایہ کاری ءَ ھوار جتا جتائیں شوبگ آنی تہ ءَ دو نیمگی سیادی ءَ را گیش دیمروئی دیگ بہ بیت۔ سئے شمبے ءِ روچ ءَ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ جھان ءِ حکومتی سروک دیوان ءِ موہ ءَ بوسنیا ءُ ہرزیگووینا ءِ صدارت ءِ چیئرپرسن ءَ گوں گند ءُ نند کتگ۔ گند ءُ نند ءِ ساھت ءَ مزن وزیر ءَ بوسنیا ءُ ہرزیگووینا ءِ گوما پاکستان ءِ براتی سیادی ءِ ارزشت ءِ سر ءَ زور پر دات۔ دوئیں ملک آنی نیام ءَ کمک ءِ سر ءَ دل یکیمی ءِ درشان کنان ءَ مزن وزیر ءَ پاکستان ءِ واھشت ءِ درشان کت کہ دو نیمگی سیادی آناں یک مھکم ءُ ٹوھیں شریکداری ءِ تہ ءَ بدل کنگ بہ بیت کہ ایشی ءِ بنیات ءَ وت مہ وتی نپ مندیں بیپاری ءُ اقتصادی سیادی آنی بنیات اِنت۔ بوسنیا ءُ ہرزیگووینا ءِ یورپی یونین ءِ تہا ہوار بوہگ ءِ واھشت آنی درشان کنان ءَ مزن وزیر ءَ گوشت کہ بوسنیا ءُ ہرزیگووینا ءِ دمگی رابطہ ءِ مرکز ءِ بستار ءَ بے دروریں توانائی ءُ یورپی یونین ءِ تہ ءَ آیوکیں باسک بوھگ ءِ سبب ءَ پاکستانی سامان آناں بلقان ءُ ہرزیگووینا ءِ مارکیٹ ءَ چہ مشرقی یورپی ءُ مشرقی بوسنیا ءِ وسیلگ ءَ سر بوھگ ءِ موہ رس ایت۔ بوسنیا ءُ ہرزیگووینا ءِ صدارت ءِ چیئرمین ءَ مزن وزیر ءِ مہروانیں واھشت آنی سر ءَ منت گپت ءُ بوسنیا ءُ پاکستان ءِ نیام ءَ جتا جتائیں شوبگ ھاسیں رنگ ءَ تجارت ءُ سرمایہ کاری ءِ تہ ءَ سیادی ءَ را دیمروئی دیگ ءِ واھشت ءِ درشان کت۔ دوئیں رہشوناں پاکستان ءُ بوسنیا ءُ ہرزیگووینا ءِ نیام ءَ دو نیمگی سیادی ءَ را گیش دیمروئی دیگ ءُ سیادی ءَ را گیش مھکم کنگ ءِ واستہ یکجائی ءَ کار کنگ ءِ سر ءَ تپاک کتگ۔