اسلام آباد۔ 11 فروری (اے پی پی) بنجائی وزیر ڈٹ بندی، شونداری، اصلاحات و خصوصی گام گیج پروفیسر احسن اقبال پارینے کہ تعلیم آن بیدس اسہ ملک اس ہم شون ہلنگ کپک، خواندگی نا کچءِ 90 درسد اسکان سرکروئی مریک، 2019آن پد تعلیمی بجٹ کم مرسا 1.5 درسد رہینگا، نن 2022آن داٹی پدریسہ ودکی کننگ اُن۔ داخیال آتا درشانی ءِ او سے شنبے نادے آ پاکستان ایس ڈی جیز مڈرم ریویورپورٹ نا دود آن تران کرساکرے۔ پروفیسر احسن اقبال پارے کہ پاکستان اٹی بنائی تعلیم نا حالیت آک تشویشناک ءُ، و دونیم کروڑ چنااسکول آتیان پیشن ءُ، چناتا علمی لائخی(کانیٹیواپروچ) غٹ آن المی ولے تعلیمی نظام اٹی اوار اف،پاکستان اٹی ہائیرایجوکیشن نا کچ بیرہ 13 درسد وخت اس کہ بھارت 30 درسد، بنگلہ دیش 35 درسد و چین اٹی 70 درسداسکان سرمسنے۔ اوپارے کہ شونداری کن تعلیم المی، وسیلہ غاتیٹی ودکی و گورننس گچین کروئی مریک، بنجاو صوبہ غاتے تعلیم کن وسیلہ غاتے جتا کروئی مریک، ڈسٹرکٹ ایجوکیشن رپورٹ سندھ انا تعلیمی ٹک آک گچین ءُ ولے نظام اٹی پیدواری کروک سنگین خامی تے مر کننگ نا گرج ءِ۔
