اسلام آباد۔ 11 فروری (اے پی پی) وزارت مذہبی امور حج 2024نا حاجی تے بقایاجات آتا مد اٹی زر آتے اوفتا تعلقدار بینک آتیا گدریفینے۔ سے شنبے نادے آ وزارت مذہبی امور نا ترجمان عمر بٹ ’’اے پی پی‘‘ تون خصوصی گپ وتران کرساپارے کہ وزیر مذہبی امور چوہدری سالک حسین قومی اسمبلی نا فلور آ پاریسس کہ حج 2024 نا حاجی تا چندی کیٹیگری تا خڑچ آتا بچت نا مد اٹی 4 ارب 75 کروڑ روپئی نا زر ءِ پدی تننگک۔ وزیر مذہبی امور نا دا پڑو نا رداٹ وزارت مذہبی امور بھاز جانفشانی اٹ اسہ فارمولہ اس جوڑ کرے ہرانا رداٹ چندی کیٹیگری تیٹی کم آن کم 20 ہزار روپئی آن ہلیس اسہ لکھ 40 ہزار روپئی نا زرآتے غٹ قومی بینک آتے گدریفنگانے۔ تدوک آ دے یونائیٹڈ بینک انا کنڈآن وزارت مذہبی امور ءِ پاننگاکہ او 7 ہزار حاجی تا زر آتے اوفتا اکاؤنٹ آتیا گدریفنگانے، ہندا وڑ ایلو بینک آک ہم داعمل نا بناءِ کرینو۔ اومیت ءِ کہ بروک آ منہ دے اٹی حج 2024 ناحاجی تے ریفنڈنا زر آتا ادائیگی ءِ پورو کننگک۔
