وزیراعظم نا لیبیانا کرک آ کشتی نا شکست اٹی پاکستانی تا زوال کننگ آ است ہسونی نا درشانی، واقعہ نا رپورٹ ءِ بٹنگا

دبئی۔ 11 فروری (اے پی پی) وزیراعظم محمد شہباز شریف لیبیانا کرک آ کشتی نا شکست اٹی پاکستانی تا زوال کننگ آ ڈکھیائی واست ہسونی نا درشانی ءِ کرساپارینے کہ انسانی اسمگلنگ کون آ مکروہ عمل اٹ اوار بندغ آتا برخلاف سخت کارروائی مریک۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شکست اٹی زوال کروک آ بندغ آتیکن درجہ غاتا بڑزی کن دعا و خاہوت تون ہڑزخواہی نا درشانی ءِ کرے۔ وزیراعظم تعلقدار کمامدارآتیان واقعہ نا رپورٹ ءِ بٹنگا و وزارت خارجہ نا کمامدارآتے پارت کرے کہ زوال کروک پاکستانی تا درستی راستی ءِ زوت آن زوت پورو و زہمی بندغ آتے ہرممکن امداد فراوان کننگے۔ وزیراعظم پارے کہ انسانی اسمگلنگ کون آ مکروہ عمل اٹ اوار بندغ آتا برخلاف سخت کارروائی مریک۔ دا بابت ڈیوالئی ءُ ہچ ءُ حالیت اسے ٹی سگنگ پننگک۔ انسانی اسمگلنگ نا برخلاف پبی گام گیج کننگ اُن۔