اسلام آباد۔ 11 فروری (اے پی پی) بنجائی وزیر صنعت و پیدوار رانا تنویرحسین پارینے کہ اڑان پاکستان نا ڈٹ اقتصادی شونداری ٹی مزل نا نشان مریک، صنعتی انقلاب اٹی انجینئرنگ نا بشخ ءِ کڑد ادا کروئی مریک، گچین زرگزرانی پالیسی تا سوب آن ملک زرگزرانی شونداری نا کنڈآ ہِننگ ءِ۔ سے شنبے نادے آ ’’انڈسٹری 4.0 و پروسیس آٹومیشن نا نفاذ‘‘ سیمینار اٹی بطور مہمان خصوصی تران کرسااومستی پارے کہ تعلیمی بشخ اٹی پٹ وپول ہی اسٹ انگا ہمو ذریعہ ءِ را ملکی شونداری نا سوب مننگ کیک، انجینئرنگ ڈیولپمنٹ بورڈ صنعتی شونداری ءِ آسان کننگ اٹ غٹ آن مون آٹی ءِ، ملکی برآمد آتا مون آ دننگ اٹ صنعتی بشخ انا اہم ءُ کڑداسے، رانا تنویرحسین پارے کہ ماری انڈسٹری ءِ بڑزکو آب انا گڑاودی کننگ کن گچین ریسرچرزدرکار ءِ، ننا انڈسٹری ءِ گچین پولکارآتا گرج ءِ ، اڑان پاکستان پروگرام ملکی شونداری ناگچین ڈٹ جوڑمریک۔ رانا تنویرحسین پارے کہ تعلیمی بشخ اٹی پٹ وپول ہی ہمواسٹ انگا ذریعہ ءِ ہراملکی شونداری نا سوب مننگ کیک ، ننا انڈسٹری ءِ بڑزکو آب انا گڑا ودی کننگ کن گچین ریسرچرزدرکارءِ ، ادارہ غاک آب اٹ تعلیم تون طالب علم آتے عملی مہارت آتیان ہم شپ کیر۔ اوپارے کہ اڑان پاکستان نا ڈٹ اقتصادی شونداری ٹی مزل نا نشان مریک، صنعتی انقلاب اٹی انجینئرنگ نا بشخ ءِ کڑد ادا کروئی مریک، گچین زرگزرانی پالیسی تا سوب آن ملک زرگزرانی شونداری نا کنڈآ ہِننگ ءِ، صنعت نا شونداری تون ملک انا شونداری وابستہ ءِ۔
