اسلام آباد۔ 11 فروری (اے پی پی) بنجائی وزیر داخلہ محسن نقوی ایف ایٹ جناح ایونیو انٹرچینج پروجیکٹ نا دورہ ءِ کرے و تفنگوک آ فلائی اوورنا فشنگ ورک انا معائنہ ءِ کرے۔ وزیرداخلہ محسن نقوی پروجیکٹ ءِ 100 درسد18 فروری اسکان پورو کننگ نا ڈیڈلائن تس۔ وزیرداخلہ محسن نقوی نا پاننگ ئس کہ ڈٹ انا غٹ کاریم خاص وڑاٹ رابطہ سڑک و ہارٹی کلچر ءِ زوت پورو کننگے۔ اوپروجیکٹ نا چارمہ کنڈ ملبہ غاتے دمدستی وڑاٹ ہرفنگ نا پرمان کرسا پارے کہ پروجیکٹ نا بیوٹی فکیشن ورک اٹی ڈیوالئی ءِ سگپنہ۔ فلائی اوور نا کیرغ آن رابطہ سڑک آتیا کاریم ءِ ترند کننگے۔ چیئرمین سی ڈی اے محمد علی رندھاوا و پروجیکٹ ڈائریکٹر ڈٹ آ پیش رفت نا بارواٹی حوال تس۔ وزیرداخلہ محسن نقوی پروجیکٹ آ کاریم اٹی اختہ مزور آتون اوڑدہی کرے و اوفتے تون گپ وتران کرسا مزور آتے شاباشی تس و مستی خواری اٹ کاریم نا تلقین کرے۔ بنجائی سیکرٹری داخلہ خرم علی آغا، چیئرمین سی ڈی اے محمد علی رندھاوا، آئی جی اسلام آباد پولیس علی ناصر رضوی، ڈپٹی کمشنر اسلام آباد عرفان میمن، کنٹریکٹر و تعلقدار کمامدارآک ہم داوخت آ ساڑی ئسر۔
