راولپنڈی۔ 11 فروری (اے پی پی) اینٹی نارکوٹکس فورس (اے این ایف) ملک انا چندی شار تیٹی منشیات اسمگلنگ نا برخلاف برجاکریک ڈاؤن اٹی 3 کارروائی تیٹی 6 دوبہ دار آتے دزگیرکرے۔ اے این ایف ہیڈ کوارٹرراولپنڈی آن جاری بیست ءُ چار گھنٹہ نا انسداد منشیات کارروائی تا سرجم حوال آتا رداٹ تازہ انگا کارروائی تیٹی 58 لکھ روپئی آن زیات مالیت نا 55.200کلوگرام منشیات دوئی کننگا۔ بلوچستان نا علاقہ پنجگور اٹی گاڈی اسے آن 36 کلوگرام چرس دوئی کرسا اسہ دوبہ دار اسے دزگیرکننگا۔ ایم ون موٹروے اسلام آباد نا خڑک گاڈی اسے نا اودیم خانہ ٹی اودیم کروک 13.2کلوگرام ہفیم دوئی کرسا اسہ دوبہ دار اسے دزگیرکننگا۔ سیالکوٹ بائی پاس گوجرانوالہ نا خڑک 4 دوبہ دا رآن 550 گرام ہفیم ، 1.5 کلوگرام آئس و440 نشہ ئیءُ گولی دوئی کننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
