پاکستان ءَ حاسیں زرکاری آسراتی کونسل ءِ وسیلگ ءَ زرکاری ءِ رھبنداناں گیش ارزان ءُ بیپاری چاگردءَ را گہتر جوڑ کتگ، مزن وزیر محمد شہباز شریف

دبئی۔11فروری  (اے پی پی):مزن وزیر محمد شہباز شریف ءَ گوشت کہ پاکستان ءَ ھاسیں سرمایہ کاری ءِ آسراتی کونسل ءِ وسیلگ ءَ سرمایہ کاری ءِ کارروائی آناں گیش آسان کتگ ءُ شفافیت ءَ را دیم ءَ برتگ ءُ ڈی پی ورلڈ ءِ گوما بامردیں سرمایہ کاری شریکداری ءَ چہ پاکستان ءُ متحدہ عرب امارات ءِ نیام ءَ تجارتی سیادی ءَ را مھکم کنگ ءَ کمک رسیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوں ورلڈ گورنمنٹس سمٹ ءِ ساھت ءَ ڈی پی ورلڈ گروپ ءِ چیئرمین ءُ سی ای او سلطان احمد بن سلییم ءَ گند ءُ نند کت۔ اے موہ ءِ سر ءَ مزن وزیر ءَ گوستگیں روچاں ڈی پی ورلڈ ڈل ءِ پاکستان ءِ کامیابیں تر ءُ تاب ءَ را ساڑات ءُ گوشت کہ اے تر ءُ تاب ءَ چہ پاکستان ءُ ڈی پی ورلڈ ءِ نیام ءَ بامردیں سرمایہ کاری شریکداری ءِ سبب جوڑ بوت، ایشی ءَ را وشیں دیمروئی اِنت۔ آئی ءَ اے گپ ءِ سر ءَ زور پر دات کہ اے رنگیں چست ءُ ایر ءُ کمک پاکستان ءُ امارات ءِ نیام ءَ بیپاری سیادی ءَ را مھکم کنگ ءَ کمک رسیت ۔ مزن وزیر محمد شہباز شریف ءَ پاکستان ءَ ڈی پی ورلڈ ءِ سرمایہ کاری ءِ توسیپ کت ءُ تجارتی ءُ رسد ءِ بنیاتی ڈھانچہ ءَ را گیش کنگ ءِ تہ ءَ آئی ءِ کرد ءِ توسیپ کتآئی ءَ ڈی پی ورلڈ ءِ گوما بین حکومتی من ءُ گرءِ چیر دستی ءَ منصوبگ آناں زوت سرجم کنگ ءِ واستہ پاکستان ءِ جزم ءِ درشانی کتگ ۔آئی ءَ گوشت کہ ھاسیں سرمایہ کاری ءِ آسراتی کونسل (ایس آئی ایف سی) ءِ وسیلگ ءَ پاکستان ءَ سرمایہ کاری ءِ کارروائی آناں گیش آسان کتگ، شفافیت ءَ را دیم ءَ برتگ ءُ سرجمیں کاروباری چاگرد ءَ را گہتر کتگ ایشی ءَ چہ پاکستان ءَ را گلوبل سرمایہ کار آنی واستہ دلکشیں منزل جوڑ کتگ۔ مزن وزیر ءَ ڈی پی ورلڈ ءِ وژن ءُ کاروباری حکمت عملی ءَ را ساڑات کہ اے پاکستان ءِ اقتصادی واھشتانی گوما ھمگرنچ انت۔