مزن وزیر ءَ لیبیا ءَ لانچ ءِ وئیل ءَ پاکستانیانی بیرانی ءِ سر ءَ دلپدردی درشان کتگ ، وئیل ءِ رپورٹ ءِ لوٹ کتگ ۔

دبئی۔11فروری  (اے پی پی):مزن وزیر محمد شہباز شریف ءَ لیبیا ءَ  لانچ ءِ وئیل ءَ پاکستانی آنی بیرانی ءِ سر ءَ سکیں دلپدردی ءُ اپسوز ءِ درشان کنان ءَ گوشت کہ انسانی سوداگری ءِ وڑیں زھرناکیں کار آنی تہ ءَ ھواریں مردمانی ھلاپ ءَ سکیں گامگیج زورگ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اے وئیل ءَ بیران بوتگیں مردمانی ارواح ءِ واستہ دعا کتگ ءُ غم ءِ آماچیں ھاندان آنی گوما دلپدردی ءِ درشانی کتگ۔ آماچیں مردماں کمک کنگ بوتگ۔ مزن وزیر ءَ گوشت کہ انسانی دزگیری ءِ وڑیں نا شریں کار آنی تہ ءَ ھواریں مردمانی ھلاپ ءَ سکیں گرانیں کارروائی کنگ بیت۔ اے درگت ءَ ھرچ وڑیں لاپروائی برداشت نہ بیت۔ انسانی دزگیری ءِ ھلاپ ءَ مھکمیں گامگیج کنگ بوھگ ءَ انت ۔