لاہور۔10فروری (اے پی پی): مزن وزیر محمد شہباز شریف متحدہ عرب امارات ءَ دو روچی سرکاری تر ءُ تاب ءَ شتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ دری کارانی وزیر اسحاق دار ءَ بنجاھی وزیر خواجہ آصف، احد خان چما، محمد اورنگزیب، سردار اویس خان لغاری، عطا اللہ تارڑ ءُ ھاسیں کمکار مزن وزیر طارق فاطمی ءِ ھم ھوار انت۔ متحدہ عرب امارات ءِ نائب صدر ءُ مزن وزیر ءُ دبئی ءِ حاکم ہز ہائینس شیخ محمد بن راشد المکتوم ءِ دعوت ءِ سرا مزن وزیر محمد شہباز شریف 10 ءُ 11 فروری ءَ متحدہ عرب ورلڈ ءِ دو روچی سرکاری تر ءُ تاب ءَ انت تانکہ گومیان ءَ حاضر انت۔ مزن وزیر دبئی ءَ برجم دارگ بوھوکیں ورلڈ گورنمنٹ سمٹ ءَ بہر زوریت ءُ گشتانک دنت ایشی ءِ گوما مزن وزیر سروک دیوان ءَ بہر زورگ ءِ واستہ اتکگیں جتاجتائیں ملک آنی حکومت ءِ سروک آں گوں ھم گند ءُ نند کنت۔ امارات ءِ تر ءُ تاب ءِ ساھت ءَ مزن وزیر پاکستان ءُ امارات ءَ بزنس کمیونٹی ءُ سرمایہ کاراں گوں ھم گند ءُ نند کنت ۔ مزن وزیر ءِ اگدہ ءِ سر ءَ نندگ ءَ پد اے مزن وزیر ءِ دومی رند اِنت کہ آ متحدہ عرب امارات ءِ تر ءُ تاب ءَ کنت۔
