اسلام آباد۔10فروری (اے پی پی): تجارت ءِ بنجاھی وزیر جام کمال خان بیلاروس ءَ سر بوتگ ءُ بیلاروس ءِ توانائی ءِ نائب وزیر دزیانیس ماروز ءَ بالی پٹ ءَ آئی ءَ را وش آتک کتگ۔ جمعہ ءِ روچ ءَ جاڑی بوتگیں پریس ریلیز ءِ رد ءَ وتی تر ءُ تاب ءِ ساھت ءَ وزیر تجارت بیلاروس ءِ توانائی ءِ وزیر الیکسی کشنیرنکو ءِ گوما پاکستان ءُ بیلاروس ءِ یکجائی وزارتی کمیشن ءِ 8می دیوان ءِ شریک سروکی ءَ کنت۔ گند ءُ نند ءِ تہ ءَ دو نیمگی تجارت ءُ اقتصادی کمک ءِ دیمروئی ءِ سر ءَ دلگوشی دیگ بیت وزیر تجارت ءِ تر ءُ تاب ءَ بیلاروس ءِ وزارت ءِ درئی کار، وزارت توانائی ءُ وزارت ءِ کشت ءُ کشاری ءُ خوراک ءِ مزنیں کارندہ آنی گوما ھاسیں گند ءُ نند کنگ بیت۔ اے وھد ءَ تجارتی معاہدے ءِ واستہ دستخط کنگ ءِ مراگش ھم برجم دارگ بیت ایشی ءَ ابید وزیر تجارت ءِ شرپ ءَ استقبالیہ ءِ بندوبست کنگ بیت ایشی ءِ تہ ءَ پاک روس ءِ تجارتی سیادی ءَ را گیش مھکم کنگ ءِ ھوالگ ءَ گپ ءُ تران کنگ بیت۔
