اسلام آباد۔ 10 فروری (اے پی پی) این ایف سی ایوارڈ نا رداٹ برجامالی سال انا اولیکو ششماہی ٹی بنجانا کنڈآن صوبہ غاتے جم وڑاٹ 33 کھرب 39 ارب 22 کروڑ 30 لکھ روپئی نا فنڈ فراوان کننگا۔ وزارت خزانہ نا کنڈآن دابابت جاری کروک حساب وکتاب نا رداٹ جولائی آن ہلیس دسمبر 2024 اسکان نامداٹی بنجاناکنڈآن پنجاب ءِ 16 کھرب 44 ارب 92 کروڑ50 لکھ روپئی، سندھ ءِ 8 کھرب 42 ارب 22کروڑ 60 لکھ روپئی، خیبرپختونخوا ءِ 5 کھرب 44 ارب 16 کروڑ 70 لکھ روپئی و بلوچستان ءِ 3 کھرب 7 ارب 88 کروڑ50 لکھ روپئی نا فنڈ فراوان کننگا۔ تدوک آ مالی سال انا اولیکو ششماہی ٹی بنجاناکنڈآن صوبہ غاتے 24 کھرب 35 ارب 34 کروڑ 90 لکھ روپئی نا فنڈ فراوان کننگاسس۔ برجامالی سال انا اولیکو سہ ما ہی ٹی این ایف سی ایوارڈ نا رداٹ صوبہ غاتے جم وڑاٹ 15 کھرب 65 ارب 14 کروڑ 50 لکھ روپئی نا فنڈ فراوان کننگاسس۔
