ریاض۔ 10 فروری (اے پی پی) وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ خواجہ پارینے کہ ڈیٹا سیکورٹی و پرائیویسی ءِ پک کننگ کن جہانی کہول آ سوگو کانود و پالیسی تا گرج ءِ، اوحکومت، کاروباری ادارہ و ٹیکنالوجی چاہندارآتیا زور شاغاکہ اواری اٹ ہندن ءُ اصول جوڑ کیر ہرا مصنوعی ذہانت ءِ اخلاقی و گچین وڑاٹ مون آ دننگ اٹ کمک ایتر۔ اودوشنبے نادے آ لیپ 2025 نا ڈی سی او وزارتی پینل اٹی بشخ ہلک ہراڑے او اخلاقی مصنوعی ذہانت (اے آئی)، ڈیٹا سیکورٹی و ڈیجیٹل شمولیت آ زور شاغا، دا پینل ڈیجیٹل کوآپریشن آرگنائزیشن نا سیکرٹری جنرل دیماالیحییٰ نا مہمانداری ٹی اڈ ہلک ہراٹی جہانی راہشونک اے آئی نا رکھوک و زموانہ کاریم اٹ اتنگ آ گپ وتران کریر۔ شزہ فاطمہ خواجہ پارے کہ مصنوعی ذہانت نا شونداری ترندی اٹ دنیا ءِ بدل کننگ ءِ، ہنداسوب آن دانا کاریم اٹ اتنگ زمواری اٹ بایدے مرے۔ اوداہیت آ زورشاغا کہ مصنوعی ذہانت نا نظام تیٹی جانبداری و امتیاز بایدے چٹے تانکہ غٹ مخلوقءِ بریبروارخواہی ملنگ کے۔ اوپارےکہ ڈیٹاسیکورٹی و پرائیویسی ءِ پک کننگ کن جہانی کہول آ سوگو کانود و پالیسی تاگرج ءِ۔
