اسلام آباد۔ 17جولائی (اے پی پی) مسلم لیگ (ن) نا راہشون دانیال عزیز پارینے کہ جج صاحب آک ہم وار وار دستاویز آتاپک کننگ نا سوج آتے چست کرینو، جے آئی ٹی رپورٹ ابہام آ مبنی ئِ ہراٹی ہچ ئُ گڈیکو رائے اس اوار اف۔ جے آئی ٹی رپورٹ نا بابت سماعت نا وخت آ سپریم کورٹ نا پیشن میڈیا تون ہیت کرسا دانیال عزیز ناپاننگ ئس کہ جے آئی ٹی رپورٹ اٹی ساڑی شواہد اولیکو دے آن ہی ردی نا ٹوکری گوندنگاکہ و داسہ جج صاحب آک ہم وار وار دستاویز آتا پک کننگ نا سوج آتے ہرفینو۔ اوپارے کہ جے آئی ٹی رپورٹ اٹی ”اسٹیپنی“ وکیل وار وار دلیل تننگ ئِ، رپورٹ اٹی ہچ ئُ گڈیکو رائے اس اف بلکن دا رپورٹ ابہام آتالان ئِ ہراٹی حق آتے نظر انداز کننگا و ہچ وڑنا ہچ ئُ رابطہ اس نظر بفک وخت اس کہ رپورٹ اٹی زیات تر ”موسٹ لائیکلی“ نا لوزئِ ہم کاریم اٹ اتنگانے۔ اوپارے کہ جاست وپاست اٹی جے آئی ٹی داہریفتوکہ نیسکول کمپنی نا مالک دیرے و 2004ءنا دستاویز آک ثابت متنوولے 2006ءنا تصدیق مس۔ دانیال عزیز سوج ہرفے کہ انت دادستاویز آک کانودی شہادت کن کارآمد ئُ و کانود شہادت آرڈر نا رداٹ انت دا دستاویزآک کاریم اٹ ہم اتنگ مریرہ یا آخا۔
