اسلام آباد۔ 10 فروری (اے پی پی) ترجمان دفترخارجہ پارینے کہ لیبیا نا کرک انا خڑک بحری جہاز ءِ شکست پیش بسنے ہراٹی پاکستانی شاریک ہم ساڑی ئسر۔ ترجمان نا کنڈآن دوشنبے نادے آ جاری بیان اٹی پاننگانے کہ طرابلس اٹی پاکستان نا سفارت خانہ مطلع کرینے کہ کم و ود 65 مسافر آتے دروک آ اسہ بحری جہاز لیبیانا زاویہ شار انا قطب دیکی ٹی مارساڈیلانا بندرگاہ نا خڑک آ چپی مس۔ترجمان پارے کہ طرابلس اٹی پاکستانی سفارت خانہ دمدستی وڑاٹ اسہ ٹیم زاویہ ہسپتال آ روانہ کرینے تانکہ کہوک آتا درستی راستی ٹی ہندی کمامدارآتا کمک ءِ کننگ مرے، سفارت خانہ پاکستانی زہمی تا مستی سرجم آتے ہُننگ نا ہم کوشست کننگ ءِ۔ اوپارے کہ حالیت آتیا نظر تخنگ کن وزارت خارجہ نا کرائسز مینجمنٹ یونٹ ءِ فعا ل کننگانے۔
